Audiênsia Ho MNEK Interinu, Bangladesh Hakarak Fo Bolsa Estudu Ba Timor Oan
SAPNewsTL, Dili : Ohin Presidensia Konsellu Ministru, Ministru Negosiu Estranjeiru no Kooperasaun (MNEK) Interno Agio Pereira hasoru malu ho Ministru Negosiu Estranjeiru Bangladesh, Dr.A.K Abdul Momen iha Salaun MNEK Pantai Kelapa Dili.
Iha Sorumutu ne’e parte rua ko’alia Kona-ba relasaun bilateral entre rai rua ne’e no kooperasaun servisu nasaun rua nian iha área Dezenvolvimentu Ekonomia
Tuir MNEK Interinu Ágio Perreira hateten nia admira tebes ho Istória Timor Leste nia sofrementu no esforsu ba dezenvolvimentu ekonómiku nu’udar povu no nasaun foun ida iha mundu
“Nia (Embaixador Bangladesh) admira tebes ho ita nia istoria luta libertasaun, nia mos admira ita nia istoria iha Bangladesh hanesan sofrimentu no esforsu makas hodi hetan dezenvolvimentu Ékonomiku ne’ebe susessu bo’ot, Nia sei fo tempu ba dezenvolvimentu ekonomia ida ne’ebe forti hodi povu no nasaun ba oin”. Hateten MNEK Interinu Agio Pereirra iha Salaun MNEK Pantai Kelapa, Segunda 28/08/2023
Ministru MNEK Interinu ne’e mos hatutan katak Guvernu Bangladesh hakarak fo bolsa estudu ba Timor oan sira ba estuda iha Bangladesh
“Guvernu Bangladesh hakarak fo bolsa estudu ba Timor oan sira hodi ba estuda iha universidade sira ne’ebe kualidade di’ak, sira hakarak atu fo bolsa estudu, sira mos hakarak halo estudu oioin ho ita nia rain liliu iha mudansa klimátika nian, nia mos koopera ho Ita hodi bele kontinua luta hasoru efeitu negativu mudansa Klimatika”. Nia subliña
Entretantu, Ministru ne’e afirma Timor Leste mos sei vizita Bangladesh no Bangladesh mos sei identfika area sira relevante hodi halo kooperasaun servisu hamutuk ba futuru rai rua nian
Jornalista : Aquelina Magalhaês