Relata Relatóriu Servisu Ba Vise PM, Banku Mundial Hakarak Kria Empregu Ba Joven Sira
SAPNewsTL, Dili : Vise Primeiru Ministru, Ministro Coordenador Dos Assuntos Sociais, Ministro Dezenvolvimentu Rural e Habitasaun Komunitáriu (VPM, MCAS-MDRHC Sigla Português), hala’o enkontru ho Banco Mundial hodi ko’alia kona-ba kolaborasaun servisu ba futuru liliu iha area Edukasaun no Saúde
“Ohin ami enkontru ho banku mundial nian ba dala rua nian atu diskuti Kona-ba asaun saida mak Ita bele halo hamutuk entre Banku mundial ho mos agensia sira.” Dehan Vise-Primeiru-Minitru no MCAS, MDRHC ba Jornalista sira iha palasiu Governu, Segunda-feira(28/08/2023)
Iha fatin hanesan, Word Bank Group, Bernad Harbone reforsa katak enkontru ohin ho Vise-Primeiru-Minitru atu relata kona-ba relatoriu kapital humanu ba area nutridaun ba labarik, edukasaun no mos kampu trabalho ba joven sira
“Ohin ami koalia kona-ba relatoriu hanaran kapital humanu no relatoriu ne’e bele ajuda ekselensia nia servisu. Relatoriu ne’e hare’e ba areas oioin hanesan nutrisaun labarik nian, edukasaun no mos servisu Joventude Sira.”Haktuir World Bank Group, hafoin enkontru ho Vise-Primeiru-Minitru
Hatutan nia katak Vise Primeiru Ministru nia area kona-ba area rural, no relatoriu ne’e hanesan exemplu ida hodi bele hare progressu ba area sira ne’e no mos bele atinji objetivu ne’ebe mak hakarak atinji
Tenik nia katak “Ami hare’e katak Timor tama krizi kapital humanu nian, desde ukun aan, Progresu diak teb-tebes hanesan 10 anos 15 anos, mais agora Ita hare’e katak sei iha difikuldades lubuk ida iha area ida ne’e”
Informa nia katak Vise-Primeiru-Minitru prontu hodi kolabora hamutuk ho Banku Mundial hodi hare ba area edukasaun no saude
“enkontru ohin Vise Primeiru Ministru prontu atu halo servisu hamutuk ho banku mundial, importante maka Ita tenki estabiliza uluk entre ministeriu sira hotu-hotu nebe iha vise Primeiru Ministru nia okos tenki hamutuk hodi saida maka halo iha saude no edukasaun” informa nia
Salienta nia katak “Banku mundial bele ajuda hodi servisu hamutuk atu hare Kona-ba asuntu sira ne’e. Banku mundial ninia servisu hanesan atu lori experensia husi liur mai atu fo relatóriu hodi halo analiza e fo ba governu bele hanoin no implementa”.
Jornalista : Zenoveva Lopes