Vizita PM Xanana, Cuba Hakarak Hametin Kooperasaun Iha Área Médiku
SAPNewsTL, DILI- Dalan Ba Hametin kooperasaun Cuba ho Timor-Leste, Primeiru Ministru (PM) Kay Rala Xanana Gusmão, hetan vijita kortejia husi Embaixadora Cuba, hodi koalia kona-ba lasu amizade entre nasaun rua ne’e, no hametin relasaun serbisu liga ba asuntu Médiku Cubanu ho Timoroan sira iha Timor-Leste (TL).
“Objetivu ida ohin Primeiru Ministru (PM) Kay Rala Xanana Gusmão, hetan vijita kortejia husi embaixador Cuba, tanba ita hotu hatene katak kobalorasaun nasaun Cuba ho Timor sempre iha. Asuntu hirak ne’ebe ohin koalia mak embaixador halo revizaun ba esforsu hotu ne’ebe mak Cuba fo mai Timor Leste no mos ba kolaborasaun ne’ebe mak Cuba ho Timor hala’o”,
Embaixadora Cubanu ne’e akresenta, Koalia kona-ba mediku Cubano sira ne’ebe mak agora dadaun iha Timor no mos estudante mediku ne’ebe mak formandu iha ne’e
“Importante atu ema hotu hatene katak graduadu Cuba laos husi mediku deit maibe iha mos formandu iha pedagojia. Dehan Embaixadora, Grisel Alina Aldama Innis. ba Jornalista sira hafoin halao sorumutu ho PM iha Palasiu Governu, Segunda ( 28/08/2023).
Grisel Alina salienta, Cuba iha komitmentu atu apoiu Timor Leste iha area saida deit ne’ebe nasaun ne’e presiza, tamba Cuba rasik iha revolusaun desde tinan barak ona sempre sebisu hamutuk ho Timor liu liu apoiu estudante Timoroan sira ne’ebe mak halo sira nia estudu iha Cuba
Iha mos opportunidade atu bele halo sira nia estudu iha arte nian atu nune’e sira iha nivel lisensiadu no bele mos master no doutor
“Ami mos kolaborador husi Cuba ne’ebe mak servisu ho Ministériu Juventude Desportu Arte no Kultura (MJDAK) hamutuk ho Universidade Nasional Timor Lorosa’e (UNTL) sira fo formasaun ba estudante iha parte desportu nian no mos iha programa ida ho ministru saude no mediku sira iha Paroquia Becora”.
Entertantu, povu Cubanu hahu estabesele relasaun ofisial hafoin Timor-Leste restaura nia independensia iha 23 Abril 2002.
Desde 2002, hafoin enkontru istoriku entre Xanana Gusmão ho Fidel Castro iha Kuala Lumpur, inklui Jose Ramos Horta iha tinan 2002, maka programa bolsa estudu iha eskola siensia medisina iha Cuba hahu desde governasaun FRETILIN nian iha 2004-05 sae mai.
Husi ne’e, relasaun rai rua pais Mundu Sul ne’e avansu ba bebeik no expanda ba area barak. Mari Alkatiri too ba Rui Maria de Araujo konsege halo vizita ofisial estadu ba Cuba, vizita servisu nivel ministerial mos bebeik.
“Desde 2002, Fidel Castro promete atu kompleta Timoroan graduadu hamutuk rihun ida husi estudu medisinal iha Cuba, no agora daudaun, numeru graduadu medisina too ona rihun-ida resin, desloka ba servisu hotu iha postu-administrativu sira iha Timor”.
“Agora loke dalan atu dezenvolve kursu medisina espesializadu. Ne’e hotu, programa ne’ebe orkestra husi Fidel Castro, hodi transforma Timor ne’ebe iha deit doutor espesializadu nain-ida iha 1999 ba fali pais ne’ebe iha nia doutor barak per kapita aas liu kompara ho pais hotu iha nivel Sudueste Aziatiku”
Jornalista : Marcela Mery da Costa