Beleza Furak Iha Geoturizmu Legumau & Fatin Istóriku Besi-Manas
SAPNewsTL, Lautém: Seleiru da Nasaun Timor Leste, Munisipiu Lautém Eziste Postu Administrativu 6 mak hanesan Postu Administrativu Iliomar, Lautém, Luro, Lospalos, Tutuala no Lore
Entre Postu Administrativu Neen refere, Postu Administrativu Luro Eziste Foho Aas ida ho altura 1321 Metru, Foho Ne’ebe Ass liu iha Seleiru da Nasaun, Munisipiu Lautém, Luro mos eziste fatin istóriku ida Ne’ebe hanaran Fatin Lulik Besi-Manas, Fatin ne’ebe uluk funu nain Sira ba subar an hodi halo funu.
Entre fatin hirak ne’e, iha mos foho rua mak hanesan Foho Ili-Lai no Hafa-Hafa ne’ebe forma an hanesan Elefante, Iha Area Foho Legumau mos Idéntiku Ho beleza natural ne’ebé furak, Matak, Malirin, buras, atrativu no Hakmatek
Fatin Ida ne’e mos nakonu ho biodiversidade Hánesan Manu fuik, Bibi fuik, Fahi fuik, Ai-horis Sira, Karau, Kuda, no seluk tan, Geodiversidade Hánesan Fatuk ne’ebe ho forma oioin no diversidade kultural ne’ebe nakonu ho fatuk Lulik no fatin lulik Sira iha area refere
Iha foho Legumau nia Mahon, Eziste mos Lagoa Natural ne’ebé ho forma sirkulu, iha bee Ida ne’e nia laran iha mos ikan, boek, kadiuk no selu seluk Tan, Fatuk kuak oioin, Ai-laran tuan ne’ebe Hakmatek no malirin
Enviromentu ne’e, atrai tebes públiku inklui Lautém oan sira sempre ba vizita no foti fotografia barak iha Fatin furak hirak ne’e
Tuir Peskija Unidade Sientista Jeologu Timor Leste (USJTL) iha tinan 2018 hatudu katak Foho Legumau hanesan foho Ne’ebe potênsia ba Geoturizmu no Geoparke iha Futuru, Enkuantu estadu Timor Leste halo investimentu hodi desenvolve ho didiak ba futuru
Entretantu, iha Tinan 2020, Tuir Peskija Associação dos Geólogos de Luro Lautém (AGL Lautém) haktuir katak Geoturizmu Legumau riku tebes ho objetu jeolojiku oioin e’ebe presiza konserva, proteja, promove no Desenvolve ba futuru tanba wainhira desenvolve bele lori empregu ba sidadaun Sira no Hasa’e kresimentu Ekonomia Povu Doben Luro Lautém Nian
Esperansa iha Nonu Guvernu Konstitusional Mai, Guvernu Ida ne’e bele Hahú tau Osan hodi halo investimentu no desenvolve sítiu turistiku Sira iha Munisipiu Lautém liliu Geoturizmu Legumau inklui sítiu turistiku Sira seluk iha Timor laran Tomak
Nune’e, Bele kria Kampu Servisu ba joven sira, hadia rendimentu Komunidade, Hasa’e Taxa Ba Estadu, Reduz Kiak, Reduz Dependência ba fundu petrolíferu no promove Timor Leste ba Mundu
Jornalista: Luis Pailofo