Lafaek Tata Estudante Ida Iha Iliomar
Breaking: Lafaek Agora Si’ak, Lafaek Tata Estudante Alfredo Iha Iliomar
SAPNewsTL, Lautém: Orseik Loron 04 Junhu 2023, Dader Maiz menuz tuku 11 :00, Labarik Mane ida hó naran Alfredo da Costa Hetan Tata husi Avó Lafaek iha Áldeia Madeira, Suku Iliomar 2, Postu Administrativu Iliomar, Munisípiu Lautém.
Hafoin Labarik refere hetan tata husi Avó Lafaek, Família Sira tenta buka no hetan Uluk Ninia faru ho Nia isin Balun, Ikus Mai Ohin Dader ne’e Família Konsege hetan Ona nia isin Lolon ne’ebe la kompletu tanba Lafaek Tata Nia Ulun no hirus matan
Tuir Informasaun ne’ebé SAP News TL asesu Liu husi Família Matebean, Venâncio Rodrigues Caminho katak “Labarik Alfredo da Costa Lafaek Tata iha Tasi ibun area Irabere, Suku Iliomar 2, Postu Administrativu Iliomar, wainhira labarik ne’e hamutuk ho Nia maluk sira ba Tasi”
“Hafoin Hetan Tata husi Avó Lafaek iha orseik tuku 11:00, Familia buka tuir kedas no hetan de’it ninia faru no isin lolon balun ne’ebé Lafaek Han tanba Lafaek foti subar to’o ohin dader Mak Konsege hetan Ninia isin Maibe la Kompletu ona tanba Lafaek han tiha nia isin lolon balun Liliu Matebean nia Ulun no isin Sira iha hirus matan”. Tenik Familia Matebean Venâncio Rodrigues Camilho ba SAP News TL liu husi via telefone, iha Iliomar -Lautem, 05/06/2023
Entretantu, Matebean Alfredo da Costa eskola iha Ensino Báziku 3⁰ Siklus Iliomar 2, iha Banku Sétimu Ano (7⁰ Ano), Moris no hela iha Suku Iliomar 2, Postu Administrativu Iliomar, Munisípiu Lautém
Matebean nia mate isin agora Daudaun iha ona nia Rezidensia Postu Administrativu Iliomar, Nune’e família sira kontinua Hala’o nia Prosesu fúnebre tuir Kultura no tradisaun Iliomar nian
Antes, Lafaek Mos tata ona Ema lubun ida no Hakotu ema Nia vida iha Munisípiu Lautém Área Com Iralalaro Lautém no Iliomar, nune’e husu ba ema hotu atu kuidadu didiak wainhira ba Hala’o atividade Sira iha Tasi tantu iha Mota ne’ebe iha Lafaek barak
Deskansa em Paz, Alin Alfredo da Costa, Ba Hamutuk Ho Maromak, La’o Ho Maromak no Hela ho Maromak iha nia Kadunan Santu, Sentidu profundu kondolensia ba Família Iliomar ne’ebé lakon nia Labarik Kiik ida ne’e
Jornalista: Luis Pailofo