Biografia Kardeal Dahuluk TL Virgilio do Carmo da Silva
Kardeál Virgílio moris iha loron 27 Novembru 1967, iha Venilale, Timor-Leste. Kardeál hahú estudu dahuluk iha Eskola Primária to’o Sekundária iha Eskola Saleziana Fatumaca.
Hafoin remata eskola, nia kontinua formasaun iha kongregasaun saleziana no halo ninia profisaun dahuluk iha loron 31 Maiu 1990 iha Komunidade Saleziana Fatumaca.
Depoiz de halo ninia profisaun dahuluk, Kardeál Virgílio hala’o ninia estudu filozófiku no teolójiku iha Manila, Filipina. Durante estudu iha Filipina, nia halo ninia profisaun perpétua iha loron 19 Marsu 1997.
Nia simu ordenasaun prezbiterál iha loron 8 Dezembru 1998 iha Santuário Nacional de Maria Auxiliadora dos Cristãos Parañaque, Filipina depoiz de remata ninia estudu teolójiku nian iha Don Bosco School of Theology (BDST) ne’ebé uluk hanaran Don Bosco Center of studies (DBCS).
Husi tinan 1999-2002, nia tau matan ba aspirante sira iha Fatumaca. Hafoin muda ba Venilale hodi tau matan ba pre-spirante sira nian ho hala’o mós knaar nu’udar administradór komunidade nian. Husi 2005-2007, Virgílio kontinua fila fali ninia estudu sira iha área Espiritualidade nian iha Universidade Pontifícia Salesiana (UPS), Roma. Fila fali mai Timór, husi tinan 2007-2014, nia hala’o ninia knaar iha Komunidade Saleziana Fatumaca nu’udar Mestre dos Noviços.
Husi tinan 2009-2014, Kardeál dezignadu hala’o mós ninia knaar nu’udar Diretór Komunidade Saleziana Fatumaca. Iha tinan 2015, Reitór-Mór Salezianu sira-nian Don Ángel Fernández Artime, SDB hili Mons. Virgílio sai Provinsiál ba Vise-Provínsia ITM (Indonesia-Timor) nian.
Iha loron 30 Janeiro 2016, Mons. Virgílio hetan nomeasaun husi Papa Francisco hodi sai Bispu Dioseze Dili nian no iha Setembru 2019 foti nia sai Arsebispu dahuluk ba Arkedioseze Metropolitana Dili nian.
Hafoin, iha loron 29 Maiu 2022, iha konkluzaun Regina Coeli nian, Papa Francisco fó sai naran hirak-ne’ebé atu hola parte iha Koléjiu Kardeál sira-nian hamutuk na’in ruanulu-resin-ida no entre sira ida mak Kardial Virgílio do Carmo da Silva, SDB.
Papa Francisco hatudu ninia domin ba povu Timor no Sarani sira Kreda Timor-Leste nian hodi hili ita-nia Arsebispu ba to’o iha Koléjiu Kardeál sira-nian. Elevasaun ba Koléjiu Kardeál sira-nian ida-ne’e nu’udar prezente ida ba Kreda Timor-Leste no sarani Timoroan sira hotu.
Papa Francisco iha ninia konkluzaun ba nomeasaun ida-ne’e husu ba sarani tomak iha mundu atu reza ba kardeál foun sira-ne’e atu kolabora didi’ak ho nia, ne’ebé halao kna’ar nu’udar Bispo Roma nian no ulun Kreda Katólika, hodi tau matan ba Maromak nia povu iha mundu tomak.
Kardeál foun sira ne’ebé Papa Francisco sei nomea (Kardeál Eleitór Foun) tuir orden Kriasaun maka hanesan:
- D. Arthur Roche (Inglaterra), prefeito da Congregação para o Culto Divino e a Disciplina dos Sacramentos (Santa Sé)
- D. Lazzaro You Heung sik (Coreia do Sul), Prefeito da Congregação para o Clero (Santa Sé)
- D. Fernando Vérgez Alzaga (Espanha), Presidente da Comissão Pontifícia para o Estado da Cidade do Vaticano e presidente do Goveratorado do Estado da Cidade do Vaticano
- D. Jean-Marc Aveline (França), Arcebispo de Marselha
- D. Peter Okpaleke (Nigéria), bispo de Ekwulobia
- D. Leonardo Ulrich Steiner (Brasil), Arcebispo de Manaus
- D. Filipe Neri António Sebastião do Rosário Ferrão (Índia), Arcebispo de Goa e Damão
- D. Mons. Robert Walter McElroy (EUA), Bispo de San Diego
- D. Virgílio do Carmo da Silva (Timor-Leste), Archebispo de Díli
- D. Óscar Cantoni (Itália), Bispo de Como
- D. Anthony Poola (Índia), Bispo de Hyderabad
- D. Paulo Cezar Costa (Brasil), Arcebispo de Brasília
- D. Richard Kuuia Baawobr (Gana), Bispo de Wa
- D. William Goh Seng Chye (Singapura), arcebispo de Singapura
- D. Adalberto Martínez Flores (Paraguai), Arcebispo de Assunção
- D.Giorgio Marengo (Itália), Prefeito Apostólico de Ulaanbaatar (Mongólia) Cardeal sira nebe nia otas liu 80
- D. Jorge Enrique Jiménez Carvajal (Colômbia), Arcebispo Emérito de Cartagena
- 18. D. Lucas Van Looy (Bélgica), Arcebispo Emérito de Gent
- D. Mons. Arrigo Miglio (Itália),
- Arcebispo emérito de Cagliari Padre Gianfranco Ghirlanda, sj, (Itália),
- Professor de Teologia Mons. Fortunato Frezza (Itália), Cónego de São Pedro
Tuir dadus hosi Vatikano katak, dadaun ne’e númeru kardeál iha tinan ida ne’e, Uma kreda universál iha kardeál hamutuk 229 husi númeru ne’e, 132 mak kardeál eleitores katak, kardeàl hirak ne’ebé iha voz ativa bainhira mosu eventu konklave ruma.
Nune’e mós dadus kardeál ba nasaun Europa ho totál 107 (husi númeru ne’e na’in-54 eleitores) Kardeál Amerikanu ho totál na’in-60 kardeál (husi númeru ne’e na’in-38 eleitores) Kardeál Asia ho totál na’in-30 (husi númeru ne’e, 20 eleitores) Kardeál Afrikanu ho totál 27 (husi númeru ne’e na’in-17 eleitores) Kardeal Oceânia hamutuk na’in-5 (husi númeru ne’e na’in- 3 eleitores).
Jornalista : Vinsensius Saldanha Morais De Araujo