Sarani TL Sei Inkorpora Kardeal Dom Virgilio Iha Dia 5, Misa Agradesimentu Iha Dia 6

SAPNewsTLl (Dili) : Relasiona ho Arsebispu ArquiDiocese Metropolitana Dili Dom Virgilio do Carmo da Silva SDB ne’ebe sai kardeal dahuluk iha Timor Leste, mak Presidente komissaun organizadora Conferénsia Episkopal Timorense (CET) hasoru malu ho Presidente da Repúblika ko’alia kona ba preparasaun ba serimonia misa agradesimentu ba kardeal dahuluk iha Timor Leste.

“Ami husi komissaun konjunta ba serimonia resesaun misa agradesimentu ba Kardeal Timorense primeiru nian, ne’ebe sei realiza iha dia 5 no dia 6, nu’udar komissaun ami mai hato’o ba Presidente Repúblika sequensia ba serimonia iha loron 2 ne’e, no aumesmo tempu ami mos hakarak atu konvida Exselensia Presidente da Repúblika, atu bele partisipa no mos hola parte  serimonia Iha eventu ida nee”, dehan Presidente CET ba Jornalista sira iha Palasio presidensial Nicolau Lobato Bairo-Pite sexta feira ne’e( 26-08).                 

Tuir Padre Guilhermino hateten Arsebispu Dom Virgilio sai ona kardeal lasignifika atu husik Timor, maibe hanesan kardeal hela iha Timor no Servisu iha Timor.

Aleinde ida ne’e, tuir Presidente (CET) Pe. Guilhermino hateten iha dia 5 ita sei simu kardeal Dom Virgilho no dia 6 sei misa iha tasi-tolu.

 “Laiha aktividade seluk so deit iha dia 5 dader sei iha resesaun,  ita hotu sei ba iha airoportu Nikolau Lobato atu simu kardeal foun ne’ebe foin fila husi Vatikano, no iha dia 6 ita selebra misa agradesimentu nian iha tasi tolu ba serimonia rua ne’e ami komissaun konjunta, temi komisaun konjunta tanba komisaun ida ne’e forma husi Igreja no Governo dala ida”, (dehan p. Guillermino)

Entertantu, fundo ne’ebe mai husi Conferénsia Episkopal Timorense (CET) nian no mos  parte Governo hamutuk 220 milhões.

Enkuantu, Tuir horariu Kardeal Dom Virgilio iha to’o iha Timor-Leste iha loron 5 fulan setembru dader tuku 06:00 iha Aeroportu Internasional Niculau Lobato Dili, portantu, misa agradesimentu ba Kardeal foun ne’e iha loron 6 fulan setembru, oras 04:00 iha Tasi-Tolu, Dili

Jornalista : Vinsensius Saldanha Morais De Araujo