Bispu Baukau : Nakukun Sees Tiha & Naroman Mai Ona

SAPNewsTL, Baukau : Iha Missa Ordenasaun Saserdotal no Tomada de Posse ba Bispu Dioseze Baucau Dom Leandro Maria Soares iha Igreja Katedral Baukau

Liu husi Diskursu, Bispu Dioseze Baukau Dom Leandro Maria Alves fo obrigadu no agradese ba ema hotu husi instituisaun oioin ne’ebe partisipa iha Serimonia Solene ne’e

Lider Foun Dioseze Baucau ne’e haktuir, Loron Foun to’o ona, hamutuk simu ida be mai hodi Na’i nia naran

“Loron matan nakmoos ona no rai-hun mutin tabun ona, iha rai lorosa’e nia oin naroman mai ona, nakukun sees tiha, mai ita hotu simu ida be mai hodi Na’i nia naran”. Tenik Bispu Dioseze Baucau Dom Leandro Maria Alves liu husi diskursu iha Igreja Katedral Baukau, 21/07/2023

Dom Leandro senti gratidaun ba komunidade katolika ne’ebe ho ksolok simu nia iha Dioseze Baucau

“Ha’u nia ksolok no gratidaun ba maluk sira hotu ne’ebe halibur iha Katedral Baukau ne’e, ita boot sira nia presenza, halo ha’u sente katak hodi Maromak nia naran ita boot sira simu ha’u iha Dioseze ida ne’e”. Nia Dehan

“Ha’u mos senti ida deit ona no hamutuk tebes ho ita boot sira hotu, saida mak imi hein husi ha’u eh saida mak Bispu Foun ida ne’e sei halo ba imi ?”.

“Ha’u bele dehan ba imi katak, Ema ida ne’ebe laran diak, fo an tomak, ida ne’ebe mak lolos hasa’e nia an tomak no hakbesik an nafatin ba Maromak, ida ne’e mak imi hein, ha’u sei hakaas an hodi halo duni ida ne’e”.

Dom Leandro fundamenta, Nia sei la sees an, maibe sei fo nia moris tomak hodi servi no bali nia bibi sira be Maromak tau iha nia liman

“Buat ne’ebe imi hein husi Bispu Ida mak ema ida ne’ebe saran nia an tomak ba Maromak nia bibi Sira, katak labele sees an atu fo nia vida ba Maromak nia bibi Sira ne’ebe Maromak tau iha nia Liman”.

“Hein atu Nia sai bibi atan Diak, atu habosu Maromak nia bibi sira ho Maromak nia liafuan no lori ba haro iha we matan malirin”.

Serimonia Solene ida ne’e partisipa husi Presidente Republika Jose Ramos Horta, Kardeal Dom Virgilio do Carmo da Silva, Presidente Parlamentu Nasional Maria Fernanda Lay, Presidsnte Tribunal Rekursu Deolindo dos Santo, Padres, Madres, Autoridade Militar no sivil Sira hotu no Sarani sira

Jornalista : Luis Pailofo