Dom Leandro Afirma Sei Sai Sinal Unidade No Sinodalidade

SAPNewsTL, Baukau: Hafoin Hala’o Serimonia Solene, Tomada de Posse sai Bispu Dioseze Baucau, Iha Diskursu Agradesimentu, Bispu Dom Leandro Maria Alves haktuir, Ninia Presenza Nu’udar hatan ida ba Maromak nia Bolu, tanba ne’e, nia garante sei la servisu Mesak maibe sei servisu hamutuk ho Na’i Lulik sira no Sarani tomak Dioseze Baucau

“Ha’u hatene imi hotu Reza durante tinan ida ho Balu, hodi husu bibi atan foun ida tuir nain nia hakarak, nune’e Na’i hatudu ona Atan ha’u folin laek ne’e ho ha’u nia frakeza no forsa tomak”.

“Nia Haraik, Nia rasik mak fo no fihir hodi servi fali nia, Ha’u fiar, ha’u sei la servisu Mesak, ha’u fiar ha’u nia Belun Na’i Lulik sira no Sarani Dioseze Baucau”. Tenik Bispu Dioseze Baucau Dom Leandro Maria Alves liu husi diskursu iha Igreja Katedral Baukau, 21/07/2023

Bispu foun ne’e hatutan, “Ha’u hatan ba Maromak nia Bolu, Iha imi nia leet, atu la’o lemorai hodi halo Diak no haklaken nai Maromak ne’ebe bolu no haruka ha’u Mai. Maromak fihir tanba nia fiel katak Nia ida Ne’ebe Nia fiel ne’e fiel ba Nia”. Nia subliña

Lider Foun Dioseze Baucau ne’e alerta, sei sai sinal unidade no sinodalidade ne’ebe metin entre Sarani Sira, Na’i Lulik Sira, Leigu Sira no relijiozu no relijiozu Sira

“La hakarak tan buat seluk, Se Laos atu sai sinal unidade no sinodalidade (La’o Hamutuk), Unidade no sinodalidade entre Na’i Lulik, Relijiozu no Sarani sira, Unidade no sinodalidade ida ne’e so bele realiza deit ho Maromak Espiritu Santu hodi servisu ba klamar Sira”.

Enkuantu, Serimonia Solene ida ne’e partisipa husi Presidente Republika Jose Ramos Horta, Kardeal Dom Virgilio do Carmo da Silva, Presidente Parlamentu Nasional Maria Fernanda Lay, Presidsnte Tribunal Rekursu Deolindo dos Santo, Padres, Madres, Autoridade Militar no sivil Sira hotu no Sarani sarani Sira

Jornalista : Luis Pailofo