Dalan Ba Kuarta-Feira Sinzas, Lopo : Hakribi Salan & Fiar Evanjellu

SAPNewsTL, Dili : Opiniaun Foinsa’e Antigus Alunos de Dom Bosco Francisco Lopo kona-ba loron Kuaresma, Kuarta-Feira de Sinzas. Foinsa’e ne’e haktuir tempu kuaresma, momentu sertu ba ema hotu hodi hafoun fiar, hakribit salan no fiar evanjellu

INTRODUSAUN

Quarta-Feira de cinzas mak loron ne’ebe sai hanesan odamatan ba tempu Quaresma.Quarta feira cinzas ne’e ita hotu sei simu ahu-kdesan iha selebrasaun eukaristia hodi hatudu katak; ita ema hanesan rai-rahun ne’ebe mai husi rai, hela ka horik iha rai no sei fila ba rai .Iha quarta feira cinzas ita sei hotu sei rona Lia-fuan hakribi sala, fiar evangellu ne’e maka Lia-fuan ne’ebe Religioso/a sira tenik wainhira tau sinal kruz ho ahu-kdesan iha ita nia rentos. Loron ne’e maka loke tempu Quaresma,hanesan preparasaun ida ba selebrasaun paskua nian. Iha Tempu Quaresma ita hotu sei halo penitensia, jejum no abstinensia. Jejum ne’e la’os signifika jejum ba ai-han de’it maibe, ba Lia-fuan a’at hahalok a’at sira ne’ebe durante ita halo iha ita nia moris tomak.

 

TEMPU QUARESMA

Sarani sira iha hotu iha mundu tomak hahu tempu Quaresma ho quarta feira de cinzas, Domingo Ramos Nai Jesus tama iha Jerusalem, tama ba semana santa ne’ebe hahu ho kinta feira santa ne’ebe fase apostolu sira nia ain, Sexta feira santa halo adorasaun da kruz hodi relembra (hanoin fila fali) ita nia Nai Jesus Kristu ninia sofrementu no mate iha kruz,sabado alleluia no Domingo resureisaun.

Selebrasaun paskua la’os atu festeija de’it, la’os reza taka liman hodi husu ba Nai Maromak atu perdua sala ne’ebe ita komete, la’os de’it atu festa paskua hodi kontenti eh ksolok tamba konsege ultrapassa jejum 40 dias nia laran, importante expresaun sentidu paskua ne’e rasik atu hafoun no hafoun fiar.

 

“Selebrasaun paskua ne’e ,la’os atu hanoin de’it ba jesus nia mate, maibe paskua ne’e signifika atu hafoun sira nia fiar, no sarani ida-idak mos tenki hanoin ida-idak nia fiel ba ita nia Nai Jesus”(Homilia husi Dom Virgilio Do Carmo )

Selebrasaun ne’e la’os atu hanoin de’it ba Jesus nia mate, ita nia Nai Jesus Kristu nia mate no ninia terus iha kruz importante, ita nu’udar kristaun katolika fiar katak Jesus Kristu terus to’o mate iha kruz la’os ba ninia an rasik maibe, atu kasu ita hotu nia sala, Ita nu’udar sarani ne’ebe di’ak no Kristaun ne’ebe honestu tenki halo refleksaun ba  ita ida-idak nia an, la presija hatudu ema seluk nia sala maibe, ita nia an rasik katak sala ne’ebe ita komete ona ? hodi Nai Maromak haruka ninia oan mane mesak,Jesus Kristu mai iha mundu ho intensaun ida katak hodi salva ita nia salan sira.

 

FIEL NO KARIDADE IHA SOSIEDADE

Hanesan ita nia Amu Bispu kardeal Timor-leste Dom Virgilio Do Carmo hateten katak; Sosiedade ohin loron nian ne’ebe mosu ho attitude hanaran indiferentismo, hahalok diferensia tantu ema ida ho ema seluk ne’ebe maka’as tebes iha sosiedade nia le’et.

Sosiedade ohin loron ne’e fiar ba Nai Maromak hahu mihis dadaun ona ka ita nia fiar lakon dadun ona, tanba tendensia buka atu kontente de’it ho sasan mundu era globalizasaun ninian, ambisaun maka’as ka susar atu simu doutrina igreja nian iha area sira hanesan moral no sosial nian, tanba gradualmente ema barak mak hanoin de’it ba nia an rasik tanba ita nia orgulhu, egoismu ne’ebe halo ita buka uluk ita nia interese pesoal molok ema seluk ninian.

Igreja jeralmente reafirma ba afirmasaun amu papa Francisco kona-ba ,indiferentismu tanba indiferetismu ne’e la’os iha buat ida ne’ebe iha Europa ka iha ASEAN eh iha mundo tomak liu-liu iha Nasaun TL maibe,ida ne’e jesus konvida ema hotu atu sai ema ne’ebe apaisonado,la’os ema ne’ebe la manas la malirin.

SUJESTAUN

Tempu Paskua ne’e atu ida-idak halo refleksaun ba ninia an hodi nu’une labele repete sala ne’ebe igual iha paskua tinan seluk oin mai. Amin….

Hakerek Nain :  Francisco Lopo

Jornalista : Esmeralda da Silva