Defende Produtu Jornalista, PR Horta Kontra Lei Kriminaliza Difamasaun
Presidente Republika Jose Ramos Horta
Dili : Relasiona ho Instituisaun Polisia Nasional Timor Leste ( PNTL) hato’o karta eskrita notifikasaun ba Xefe Redasaun Independente Jorginho Dos Santos no Jornalista Jornal Independente Domingos Gomes iha loron 21 Fulan outobro 2022, Presidente Republika afirma prontu hamriik iha Jornalista sira nia kotuk hodi Defende Liberdade Imprensa iha Timor Leste.
“Ha’u Sei haree ida ne’e, ha’u sei buka hamriik iha Jornalista nia kotuk, iha jornal nia kotuk, iha direitu liberdade atu hakerek buat ne’ebe bele”.(dehan Xefe Estadu Jose Ramos Horta iha Quarter jeral F-FDTL Fatuhada tersa feira nee 25/10
Tuir Xefe Estado Ramos Horta, justisa devia preokupa ho krime organizadu, ho Ema halo pasaporte falsu, ka buka halai sai osan arbiru la tuir Lei, la’os preokupa fali ho Jornalista sira nia rejultadu reportajen.
“Ha’u sei hare ida ne’e, nu’udar Xefe Estadu ha’u Sei akompanha, Lei kriminaliza difamasaun, Ha’u kontra Lei kontra kriminaliza difamasaun tenki muda tiha lei ne’e atu ita nia Liberdade total ba média.( Haktuir Xefe Estadu Horta).
Enkuantu, Presidente Repúblika Jose Ramos Horta sei halo Dialogo ho Governo no Deputadu favor hatun tiha Lei kriminaliza difamasaun.
Entretantu, antes ne’e mos Sekretaria Estadu Komunikasaun Sosial Mericio Juvinal Akara hateten media iha lei atu regula banhira halo sala ruma no banhira ema balun la dun satisfaz ba publikasaun notisia lei komunikasaun autoriza hodi halo direitu resposta no governu nia posisaun nafatin ba liberdade imprensa
“Governu nia posisaun nafatin mantein liberdade imprensa ne’e baze ida, ita desenvolve ita nia media iha ita nia rain, Liberdade imprensa ne’e hanesan kriteriu prinsipal ne’ebe ita labele hases, segundu ita iha lei media halo sala ruma karik utiliza deit lei komunikasaun sosial se iha ema balun mak la dun kontente iha publikasaun notisia balun ne’ebe la refleta sira nia hanoin ka sira diskonkorda lei komunikasaun fo dalan para halo direitu de resposta ne’ebe ita utiliza deit lei ne’ebe existe, evita atu kriminaliza ita nia media”. Nia hateten
Jornalista : Vinsensius Saldanha
Editor : Ekipa Editorial