Demokrasia Hahú Husi Kampus, UNTL Sei Realiza Eleisaun
SAPNewsTL, Dili : Universidade Nacional Timor Lorosa’e (UNTL) nia Vise Reitora Asuntu Estudantil, Vise Dekanu Asuntu Estudantil no Senadu Estudantil husi fakludade sanulu (10) iha Auditorium Fakuldade Ekonomia no Gestaun UNTL.
Objetivu husi sorumutu ne’e hodi halo preparasaun ba eleisaun Presidente Assosiasaun Estudantil, Konsellu Fiskal no Asembleia Reuniaun Jeral ne’ebe sei realiza iha fulan maiu tinan ne’e.
Iha sorumutu ne’e, ezekutivu sira konsege forma komisaun eleitoral ba kampanha no eleisaun, diskute rekezitu ba apresentasaun kandidatura, kalendáriu preparasaun no eleisaun eleisaun ba Senadu foun sira iha kada fakuldade.
Presidente Assosiação Académica Estudantil FECT UNTL Sergio Alves da Costa husu ba estudante sira iha semester impar 3-5 no 2⁰ ano to’o 4⁰ ano atu prepara an hodi konkore iha festa demokrasia ne’ebe sei akontese iha UNTL.
“Ha’u husu ba estudante ativu sira iha semester 3-5 ka 2⁰ ano – 4⁰ ano atu prepara an hodi hola parte iha festa demokrasia ne’e, tanba ita nia tema jeral ita hatur katak Demokrasia Hahú Husi Kampus signifika ita aprende demokrasia iha kampus no prátika demokrasia hahu husi kampus, aprende oinsa luta hodi konkista konfiansa husi estudante akadémiku sira”. Tenik Senadu FEST-UNTL Sergio Alves da Costa, Dili, 26/03/2024
Senadu Estudantil ne’e konsidera, sai lider iha mundu akadémiku ne’e etapa krusial no oportunidade osan mean ne’ebe úniku no la repete iha mundu akadémiku tanba dalan ba konkista poder ne’e la fasil.
“Sai senadu estudantil ne’e oportunidade no responsabilidade osan mean ne’ebe la fasil atu hetan no la repete iha mundu akadémiku, tanba dalan ba konkista konfiansa ne’e la fasil tebes hanesan ita hanoin maibe ida ne’e presiza ema nia dedikasaun no esforsu”. Sergio Alves da Costa akresenta.
Senadu estudantil ne’e hatutan, kampanha no Eleisaun ba Senadu foun periodu 2024-2026 ida ne’e sei akontese iha loron 24 Fulan Maiu 2024, enkuantu kritériu kandidatu no kalendáriu submisaun pakote kandidatura, komisaun eleisaun sei fo sai iha tempu badak.
Enkuantu, partisipa iha reuniaun ne’e mai husi mak hanesan Vise Reitora Asuntu Estudantil, Vise Dekanu Asuntu Estudantil no Senadu Estudantil sira husi Fakuldade 10 : Fakuldade Medisina Ciénsia Saúde (FMCS), Fakuldade Agrikultura (FAGRI), Fakuldade Engenharia Ciénsia e Tecnolojia (FECT), Fakuldade Ekonomia no Gestaun (FEG), Fakuldade Turizmu (FT) Fakuldade Edukasaun Artes no Humanidades (FEAH), Fakuldade Direitu (FADIR), Fakuldade Ciénsia Ezatas (FCE), Fakuldade Ciénsia Sosiais (FCS) no Fakuldade Filosofia (FF).
Jornalista : Ermelinda Soares