Dr. Horta : Loron 19 Vota Númeru 1, Loron 20 Abril Ita Hahú Ho Loron Foun Ida Ba Povu Timor-Leste
Tasi-Tolu, 12 Abril 2022 : Komisiu Daikus Kampanha Segunda Volta, Kandidatu Presidente Repúblika Demokrátika de Timor-Leste Periodu 2022-2027 iha Munisipiu Dili Dr. José Ramos Horta hateten, loron 19 vota númeru 1, loron 20 Abril ita hahú loron foun ba Povu Timor-Leste, ita inaugura tempu foun ida, iha ne’ebe ita defende konstituisaun, haklean demokrásia, liberdade no hametin estadu de direitu demokrátiku.
Iha diskursu Dr. Ramos Horta afirma nia filosofia katak ‘em vitória se magnánimo, não humilhia os adversários’ signifika, wainhira ita manan, ita iha leten, ita hakraik an ba sira ne’ebe lakon. General ida ne’ebe matenek iha kakutak, matenek iha polítika, história, filosofia no hatene militar, Quandu general ida ne’e manan iha batalla, nia ba kaer uluk ida ne’ebe lakon ne’e nia liman. Nune’e mos iha polítika, ita labele buka inimigu, iha fatin ne’ebe laiha inimigu, presidente ida ne’e sei buka no la kolen halo dialogu kontinua ba futuru. Tenik Ramos Horta, Dili, 12/04/2022
Kandidatu Presidente Dr. Ramos Horta deklara, loron foun ida ne’e, ita sei hahu tau prioridade no investe makaas iha ekonomia, edukasaun ne’ebe kualidade no agrikultura, ita tenki hamenuz, hamblaha, sub-nutrisaun no tau matan ba inan isin-rua sira hodi garantia hijiene moris diak iha tinan lima mai.
Ita tenki haree ita nia ekonomia ho didiak, maske ne’e la’os mandatu presidente nian, maibe Presidente Repúblika sei koalia ho guvernu, parlamentu, komunidade intersasionál no setor privadu sira oinsa iha tinan lima ne’e nia laran, ita nia ekonomia bele haksoit ba oin. Dehan Ramos Horta, Tasi-Tolu, 12-04-2022.
Dr. Ramos Horta Deklara, ha’u sei halo dialogu ho sira hotu, Oitavu Guvernu ida ne’e la’os konstitusional, ne’e duni, ita mos tenki hahu ho mudansa maioria iha parlamentu, guvernu foun ho legítimu (IX Guvernu), que ita bele forma guvernu foun hodi prepara ba eleisaun iha 2022 ou 2023, konforme deputadu sira iha Parlamentu Nasionál, maibe iha ita nia sistema semi presidensial, Presidente Repúblika mos iha poder konstitusionál hodi dissolve Parlamentu.
Dr. Ramos Horta hatutan, Ita mos iha planu atu tama ba ASEAN, maibe ita tenki hatur lei no justisa ho lolos, Nune’e vota ba númeru sorteiu 1, ita hahú ho tempu foun ida atu servi imi, inan aman sira, jovens sira no povu Timor-Leste. Dr. Ramos Horta Afirma iha Dili, Tasi-Tolu, 12 Abril 2022, Jornalista Soriano da Silva Média Sapnewstl.
Jornalista : Soriano da Silva
Editor : Sergio Delekuar