Pe. Augusto : Jesus Fase Apostolu Sira Ain Nu’u Sinál Domin, Servi no Perdaun Ba Humanidade Iha Mundu
Sapnewstl. Reportagem Marino Pailofo : Sarani Parókia Parokia Nossa Senhora Ranha dos Apostolus de Luro partisipa iha Misa Quinta-Feira Santa, iha omilia Pe. Augusto Assunção Delfim de Sá hateten, Jesus Mai han hamutuk ho nia apostolu sira, jesus fase eskolante sira nia ain nu’udar sinal hodi hatudu katak halo ida ne’e hodi humanidade tomak bele hanoin kona nia katak banati tuir ninia ezemplu, modelu no vontade sira.
Padre Selebrante Augusto de Sá hateten, Liturjia Quinta-Feira Santa, ohin oferese mai ita buat tolu ne’ebe importante tebes ba ita hodi reflete ho reflesaun ba tempu ida ne’e: Instituisaun Sagrada Eukaristia, Sakramentu Orden no Karidade Ba Ema.
Instituisaun Sagrada Eukaristia fo mai ita naroman, moris, koragem no esperansa ida rohan laek ba ita, iha livru testamentu foun dehan, eukarístia nu’udar memoria ba rai-klaran, no memoria maromak ba povu Judeu katak eukaristia hanesan simbolu salvasaun ida ba ita ema moris iha mundu ne’e. Pe. Augusto hatete, Luro, 14/04
Iha omilia Padre Selebrante hatutan, Eukaristia nu’udar memoria no wee-matan moris ida husi jesus kristu hodi hanoin ba buat ida, esperansa foun, testamentu foun ida no liafoun ida ba ita ema hotu hodi hanoin, refleta, konkretiza iha moris tanba, moris ida ne’e hanesan grasa ida no presente diak maromak fo mai ita hanesan ninia kriatura.
Iha segunda leitura dehan katak ita han no hemu ba jesus nia futar isin ho ran, jesus halo ida ne’e hodi hanoin nia, buat hotu ne’ebe Jesus halo, jesus hakarak atu salva nia emar sira husi mundu nia babeur, mundu nia nakukun no mundu nia hahalok ne’ebe nakonu ho terus, susar, tanis no mate. Dehan Pe. Augusto, Luro, 14 Abril 2022.
Nune’e iha ambitu santa paskoa ita tenki hadia an, muda ita nia hanoin, hahalok, liafuan no atetude sira ne’ebe karik ita halo ladiak iha ita nia moris lor-loron, tanba laiha liafuan tarde ba ita, se ita hakarak fila ba maromak nia uman, uman salvasaun, uma ida ksolok no damen.
Ohin Quinta-Feira Santa Jesus han hamutuk dala ikus ho nia apostolu sira, jesus servi nia eskolante sira no fase apostolu sira nia ain nu’dar sinal katak jesus mai laos ema atu servi nia, maibe nia mai atu servi ema hotu, jesus hatudu ninia haraik an, domin, amizade no harmoniza ema hotu, katak ema hotu hanesan iha maromak futar oin. Hatete Pe. Augusto.
Nune’e, Ita tenki aprende husi nain Jesus Kristu, ita tenki servi ita nia maun alin sira ho espiritu haraik an nian, hadomi malu, tulun malu, perdua malu, rona malu, karidade ba malu, basá karidade importante ba maun alin sira, 14 Abril 2022. Jornalista Marino Pailofo.
Jornalista : Marino Pailofo
Editor : Sergio Delekuar