Eletrisidade Sai Kauza Ba Inséndiu Merkadu Taibessi, Vítima Afetadu Hateke Ho Matan-Ween

SAPNewsTL, Dili : Inséndiu ne’ebe akontese iha Merkadu Taibessi resulta komunidade sira nia sasan uma nian, kios, uma sai mutuk no estragus tanba la konsege salva, maske ekipa bonbeirus nasionál to’o iha fatin hodi halo intervensaun urugente, vítima afetadu inséndiu Nunes Gondinho Soares haktuir ahi han uma tanba kauza husi buli shok ne’ebe nono bee to’o maran, maibe sira la hasai
“Akontesimentu ne’e mai husi ami nia vizinhu ne’ebe shok bee maibe la kontrola to’o bee maran entaun, daet ba listrik (eletrisidade) hodi han uma sira ne’e, sasan hotu-hotu ami la konsege salva no ami salva deit ami nia isin”. Hateten Vítima Afetadu Insénsiu Nunes Godinho Soares iha Merkadu Taibessi, 10/01/2023

Nunes hatutan, sasan sira ne’ebe ahi han mak hanesan Obralan, Kios, Laptop, sasan dapur nian inklui sasan baziku sira seluk ne’ebe komunidade sira utiliza iha vida kuotidianu
Entretantu, Iha fatin hanesan komamandante Bombeiros hateten iha oras 1:45 meiudia,sira asesu informasaun katak akontese insénsiu ka ahi han uma iha area merkadu taibessi
“Ami simu informasaun hahu iha oras 01:45 katak ahi han uma maka ami to’o iha ne’e, ami ho ekipa ida tun ho ekipamentus, ami mai ahi ne’e boot ona, entaun ami hamate ahi sira ne’ebe lakan husi uma ida ba uma ida hodi salva komunidade sira nia uma”. Dehan Komandante Bombeiros Munisipiu Dili Nordin da Silva ba jornalista sira iha fatin inséndiu Merkadu Taibessi, 10/01/2023
Entretantu, Hafoin akontesimentu ne’e seidauk identifika komunidade nia uma, sasan, kios inklui sasan hira mak hetan estragus husi inséndiu refere

Enkuantu, tuir observasaun SAP News Timor Leste iha terenu nota katak ferik, katuas no labarik sira halai husi uma laran, hateke hikas ba uma ne’ebe ai han nakonu ho matan-ween no laran susar tanba lakon ona nia hela fatin, sasan uma nian, kios, osan inklui material sira seluk ne’ebe sira lakon ona
Maske nune’e, maibe antes ne’e iha fulan dezembru tinan 2022 liu ba, komunidade barak iha merkadu taibessi nia uma hetan inséndiu iha kalan boot hodi salva sira nia sasan hotu
Jornalista : Conzita Sandra Mota
Editor : Ekipa Editorial