Estrada Soibada Aat, MAE Promete Guvernu Sei Rezolve
SAPNewsTL, Manatuto : Administrador Postu Administrativu Soibada, Munisípiu Manatuto, Luis Gonjaga da Silva, preokupa kondisaun estrada diresaun Manatuto villa, liga ba Postu Soibada villa ho kodisaun aat, difikuldade movimentu públiku iha tempu udan moru rai.
Durante ne’e komunidade Postu Administrativu Soibada preokupa tebe-tebes ho kondisaun estrada ne’ebé at, desde okupasaun Indonésia ate agora, governu liu husi, Ministeiru, Obras Públika (MOP), hadia ona estrada maibé falta kilometru ualu (8) maka kondisaun at hela.
“Tuir informasaun ne’ebé ami rona husi Ministru katak programa kontrusaun estrada diresaun postu administrativu Soibada liga ba Munisípiu Manatuto tama ona iha programa IX Governu Konstitusionál nian, tanba ne’e iha tempu badak governu liu husi Ministeiru Obras Públika sei implementa programa konstrusaun refere”, Dehan Administrador Postu Administrativu Soibada, Luis Gonjaga da Silva, ba jornalista iha knaar fatin, Quarta (13/09/2023).
Nia hatutan, Soibada potensia ba fatin turizmu religiosu no turizmu istoriku, Soibada hanesan sentru ba peregrinasaun, Nain feto Aitara nian ne’ebé hala’o iha fulan Outubro, hetan partisipasaun maximu husi Dioseze tolu iha Timor-Leste, inklui governante balun nia prezensa iha festa peregrinasaun
Preokupasaun ne’ebé komunidade Postu Soibada enfrenta laos deit halerik ba estada, maibe komunidade sira kontinua halerik ba be mos laiha, durante tinan barak ona komunidade sira hasoru problema be mos laiha kuaze 50% edifisiu públiku la asesu be mos.
“Tinan kotuk governu ezekuta ona orsamentu seti sentus ital mil, maibé too agora seidauk atingi 50 % klaru ami halo enkontru ba ida ne’e maibé dezafiu ne’ebé ami hasoru mak kompañia difisil atu hatama material konstrusaun ba fatin implementasaun, bee mos no estrada”.
“Ita hare ba infrastrutura públiku prioridade balun liga ho orsamentu ratifikativu sei bele responde ba ami nia ejijensia tamba ami nia asembleia munisípal iha planu ne’ebé tau iha ajenda hodi propoen ba munisípiu” Tenik nia.
Ho vizita Vise Ministru nian autoridade sira hato’o felisitasaun, tanba vise Ministru bele observa direita kondisaun ne’ebé komunidade Postu Soibada enfrenta, atu nune’e bele kordena ho, Ministru Obras Públiku (MOP) tau iha prioridade hodi responde ba povu nia halerik.
Hatan ba preokupasaun ne’e Vise Ministru Administrasaun Estatál (MAE), Jacinto Rigoberto, promete, nu’udar membru governu la’os atu rona de’it programa ne’ebé liga ba Ministru Administrasaun Estatál (MAE), nian maibé nia sei halo kordenasaun ho Ministeiru relevante, oinsá tau prioridade hodi atende ba preokupasaun komunidade iha postu Soibada.
Enkuantu, Obra konstrusaun estrada diresaun Soibada villa hetan ona aprovasaun liu husi VIII Governu konstitusionál iha loron 10 fulan maiu tinan ne’e ho vallor montante $10.1 mill propoen despeza ne’e hodi konstroi estrada liga postu Soibada villa tuir kontratu públiku ba ezekusaun. Entertantu, Postu administrativu Soibada kompostu husi suku lima (5) Aldeia (10) total populasaun 4.438 habitantes kompostu husi mane 2240 feto 2117. total uma kain 939.Distansia Postu Soibada liga ba Munisípiu Manatutu ho kilometru 70 ho kapitál nasaun 135 kilometrus, Postu Soibada, parte sul baliza ho fatuberlihu, parte norte baliza ho postu laklubar, parte leste baliza ho Postu Barique, no parte oeste baliza ho Postu Turiskai Munisípiu Manufahi.
Jornalista : Guilhermino Ramos da Crus