FESTIL Realiza Kongresu Nasional Hili Lideransa Foun
Imajem Kongresista Federasaun Silat Timor-Leste (FESTIL), iha salaun CNE Caicoli, Dili kinta (26/01/2023).
SAPNewsTL, Dili: Federasaun Silat Timor-Leste (FESTIL) realiza kongresu nasional hili prezidente foun ba tinan hirak mai ne’ebe sei hala’o durante loron tolu nia laran komesa loron 26 fulan janeiru 2023 remata iha loron 28 fulan janeiru 2023.
“Ita nia kongresu datoluk FESTIL nian atu hili lideransa foun ne’ebe ho tema hametin hodi kontribui ba dezenvolvimentu nasional ne’ebe ita nia kongresu dahuluk mosu iha loron 13 fulan dezembru 2008, daruka iha 2014 no datoluk realiza komesa iha loron 26 fulan janeiru sei remata iha loron 28 fulan janeiru 2023”, dehan komisaun organizador Hermenegildo Custodio da Silva ba jornalista sira iha salaun CNE Caicoli, Dili kinta (26/01/2023).
Komisaun organizador hatutan, kongresu ne’e partisipa husi organizasaun arte marsial ne’ebe hamahan iha FESTIL maka PSHT, KORK, IKS PTL, Perisai Diri, Padjadjaran no Seruling Dewata hamutuk nain- 180 mai husi organizasaun neen kada organizasaun nain-30,
Hermenegildo Informa, orsamentu ba kongresu apoiu husi governu liu husi SEJD ho montante 9,324 USD utiliza ba aluga salaun CNE, konsumu loron tolu nian no osan transporte ba kongresita sira husi organizasaun neen.
Entretantu partisipa mos iha kongresu nasional ne’e maka reprezentante SEJD, prezidente CDTL, prezidente KRAM, reprezentante prezidente Republika no reprezentante PNTL.
Jornalista : Augusto dos Santos