Feto Prontu Lidera,  SEII Halo Abertura Ba Selebrasaun Loron Mundial Feto Iha TL

SAPNewsTL, Dili:   Sekretariu Estadu Igualdade Inkluzaun (SEII) halo abertura ba selebrasaun loron mundial Feto iha Timor-Leste ho tema “feto prontu lidera” ne’ebe sei monu iha loron 8 fulan marsu 2023, nune’e fo hanoin ba ema hotu iha Timor-Leste fo espasu no kria kondisaun ba feto atu sai lider.

“Ohin iha ne’e, ita halo abertura ba selebrasaun mundial feto nian iha Night Market Timor Plaza ne’ebe sei monu iha loron 8 fulan marsu 2023 ne’ebe nasaun hotu iha mundu deside ona ne’ebe Timor-Leste ita sei foti ho tema “Feto Prontu Lidera”, importante ba ita atu selebra tanba kada tinan ita hala’o atividade feto nian hodi nune’e hetan apoiu no halo mos edukasaun sivika oinsa atu promove feto sira iha area oi-oin”, dehan interina SEII Signi Candrawati Verdial ba jornalista sira iha Timor Plaza, Comoro, Dili sabadu (4/03/2033).

Interina SEII hatutan, feto prontu  lidera maibe presiza kria espasu no kondisaun ba feto sira hahu husi uma laran, komunidade no lider topu sira karik ita la kria buat sira ne’e difisil feto atu lider diak iha Timor-Leste, iha nasaun barak iha mundu sira promove feto barak sai lider hanesan iha singapura feto sai prezidente no iha Nova Zelandia feto sai primeira ministra ne’ebe sira hakarak Timor-Leste hakarak halo ida ne’e, rai ida ne’e halo ona hanesan Maria Angelina sai vise prezidente Parlamentu Nasional iha oitavu governu maibe Timor-Leste seidauk promove diak feto sai lider tan ne’e sira nafatin halo atividade feto nian barak para fo hanoin presiza fo espasu ba feto sira hotu.

Signi Informa, Mensajen ba feto maluk sira presiza prepara an para sai lider ne’e prosesu la fasil esforsu an nafatin no prepara an ho diak para kompete ho kolega mane sira hodi sai lider diak ba nasaun Timor-Leste, iha Timor-Leste feto sai lider barak ona hanesan kargu xefia sira institusasaun governu no NGO sira maibe seidauk masimu sira hakarak feto ho mane sai lider ne’e 50% hotu maibe dadus ne’ebe agora Timor-Leste iha feto sai lider foin 24% ne’ebe sira hakarak feto sira tenki proativu para sai kualidade maibe tenki esforsu makaas para labele lakon esperansa katak feto bele no prontu lidera.

Nia akresenta tan, selebrasaun ba loron mundial ne’ebe Timor-Leste sei selebra liu husi SEII servisu hamutuk ho Ministeriu Solidariedade Sosial no Inkluzaun (MSSI), Ministériu Negosiu Estranjeiru no Kooperasaun (MNEK), UN Women Plan International ne’e sei nakloke ba ema hotu atu partisipa bainhira mane barak diak liu tan ne’e dehan katak mane sira  fo ona espasu ba feto sira atu lidera, iha selesaun loron mundial ba feto iha tinan ne’e sira sei realiza atividade lubuk ida mak hanesan talk show, debate, doasaun ran, han kalan hamutuk ho lideransa feto sira hotu iha Timor-Leste no atividade sira seluk,

Entretantu partisipante sira ne’e partisipa  iha abertura selebra loron mundial feto nian ho tema “Feto Prontu Lidera” iha Timor-Leste ne’ebe sei halo selebrasaun iha loron 8 fulan marsu ne’e mak S.E. Interina SEII, Prezidenti Autoridade Munisipiu Dili, Head Of Office UNWomen, Plan International, Veterana BILESA, Reprezentante Forsa F-FDTL,  Provedor  Diretus Humanus, Diretor jeral Ministeriu Finansas, Diretor jeran MNEK, Reprezentante Embaixador Japaun, Rede Feto, Caucus Moffe-TL, Komadante VPU, Sosiedade Sivil reprezentante ADTL no komunidade sira  sira hotu ne’ebe serimonia abertura ne’e realiza tanba hetan apoiu husi UN Women, Plan International no Timor-Plaza.

Reportajen: Augusto dos Santos