Garantia Oan Matenek, Vise PM Husu Inan Sira Fo Susubeen-Inan Ba Bebe
SAPNwesTL, Baukau : Durante Partisipa Iha Selebrasaun Loron Mundiál Susubeen-Inan Iha Munisipiu Baukau, Vise-Primeiru Ministru, Ministru Coordenador dos Assuntos Sociais e Ministro de Desenvolvimento Rural e Habitação Comunitária, Eng. Mariano Assanami Sabino, haktuir Bebé ne’ebe inan sira ko’us ne’e importante ba nasaun tanba ne’e presiza kuidadu para livre husi malnutrisaun iha Timor Leste
Objetivu husi selebrasaun ne’e atu enkoraza inan-feton sira hodi kontinua fó susu been-inan ba oan hodi hasa’e sira nia imunidade, garantia kakutak neebé matenek, saudavel no asegura labarik sira nia fíziku no mental.
Vice-Primeiro Ministro, Ministro Coordenador dos Assuntos Sociais Eng. Mariano Assanami Sabino, husu ema hotu halo reflesaun iha “Selebrasaun Semana Mundial Susubeen-inan” katak, inan hotu-hotu tenke disiplina fó susu ba oan iha fatin neebé deit, iha servisu fatin ka iha uma.
Bebé neebé inan sira kous ne’e importante ba Timor, tanba ne’e presiza kuidadu atu sira livre husi má-nutrisaun, sira sei iha imunidade, fiziku no mental ne’ebé diak, mak labarik sira ne’e sei sai matenek iha futuru.
“Jerasaun ne’ebé atu lori rai ne’e ba oin, iha inan sira nia liman, tanba ne’e governu nia programa ne’ebé apoiu husi Unicef, Organizasaun Saúde Mundial, WFP, sira hotu governu lolo liman ba sira atu ita servisu hamutuk salva oan sira husi má-nutrisaun,” dehan, Vise-Primeiru Ministru Mariano Assanami Sabino liu husi nia Diskursu iha Baukau Villa, 12/08/2023
Vise Primeiru Ministru ne’e mos husu inan aman no joven sira hotu atu servisu hamutuk hari’i paz no estabilidade iha ida-idak nia fatin hodi bele garantia Implementasaun programa Guvernu nian ho diak no susesu
Atividade Selebrasaun Semana Mundial Susubeen-inan ho tema “Kria ambiente hodi tulun Ha’u, atu Ha’u fó susu hau-nia oan iha fatin ne’ebé deit” ne’e organiza husi Ministériu Saúde (MS), apoiu husi parseiru dezenvolvimentu sira.
Serimonia ne’e partisipa husi Ministra Saúde, Parseiru Internasionál UNICEF, Autoriedade Munisipiu Baukau, Komunidade Baukau no Estudante sira iha Baukau
Jornalista: Marcela Mery da Costa