SEI Rekunhese Estudante Barak Sai Vítima Ba Teknolojia
SAPNewsTL,Dili : Hafoin Sekretariu Estadu Igualdade (SEI) halo abertura ba atividade “Girls in ICT Day Timor Leste 2023 iha Salaun Suia Room Timor Plaza, SEI Elvina Sousa Carvalho hateten halo abertura ba atividade ne’e hodi enkoraja Estudante sira hodi iha nafatin korajen nafatin hili dalan estudu hodi hetan susesu iha futuru tanba feto balun sei sai vítima ba Teknolojia
“Ohin mai enkoraja estudante sira, atu sira iha koragem nafatin iha dalan estudu, Ita mos ko’alia Kona-ba risku teknolojia maske inovasaun Ita bele hetan maibe iha mos risku lubuk ida, SEI no ANC mos hanoin katak iha importânsia atu bele promove Atividade sira ne’ebe mak Inspira sira iha korajen atu hili area estudu iha kareira ida ne’e”. Tenik SEI Elvina Sousa Carvalho ba Jornalista sira iha Timor Plaza Dili,11/08/2023
SEI rekunhese iha estudante balu sai vitima ba teknolojia ne’e rasik tanba menus konhesimentu atu uza informasaun ka teknolojia ne’ebe los, atividade ohin mos ligadu ho ICT ba estudante sira no iha obrigasaun atu uza ba fins ne’ebe di’ak.
Iha Fatin hanesan, Presidente ANC João Olívio Freitas haktuir Atividade ohin kona ba Teknolojia Informasaun no Komunikasaun (ICT Sigla Inglês) ho tema selebrasaun maka Digital Skill For Life katak abilidade digitais moris ninian programa ida ne’e hanesan programa mundial ne’ebe jere husi internasional ba telekomunikasaun.
“Atividade ne’e ho tema Digital Skill for Life katak abilidade dijital ba moris ne’ebe jere husi Organizasaun Internasional Telekomunikasaun, atividade ne’e hodi fo Edukasaun no fo kunhesimentu diak ba Estudante Feto sira iha Sekundáriu no Universidade”. Nia hatete
Enkuantu, Eventu ne’e partisipa husi estudante hamutuk haatnulu resin, Estudante hirak ne’e mai husi Eskola hitu iha Kapital Dili, Partisipa mos husi Sekretaria Estadu Igualdade Elvina Sousa Carvalho hamutuk ho nia komitiva sira
Jornalista: Aquelina Mangalhães