Governu Rekonhese Atleta TL La hatudu Prestasaun Iha Asian Games 2023
SAPNewsTL, Dili: Governu liu husi Ministério Juventude Desporto Arte Kultura (MJDAC) rekonese atleta Timor-Leste (TL) la hatudu prestasaun diak iha Asian Games 2023 iha Hangzhou, China maka realiza iha loron 23 fulan setembru to’o loron 8 fulan outubru 2023.
“Governu rekonese, atleta sira la hatudu prestasaun iha Jogu Asian Games 2023 iha Hangzhou, China tanba preparasaun limitadu nune’e rezultadu ita nia atleta sira fo mak ida ne’e maibe ita tenki iha esperansa katak loron ruma ita nia sira sei hetan”, dehan ministru juventude desportu arte kultura Nelyo Isaac Sarmento ba jornalista sira iha salaun Palasaiu Governu Dili, kinta (05/10/2023).
Ministru hatutan, atleta sira la hatudu prestasaun iha Asian Games 2023 iha Hangzhou, China ne’e laos katak sira la iha atividade iha Timor-Leste karik sira hetan prestasaun agredese maibe sira la hetan fila fali ba federasaun sira iha ona planu esforsu dezenvolve sira nia modalidade ho atleta ka lae?.
Nelyo informa, partisipasaun atleta ba kompete iha Asian Games ne’e laos governu mak hili maibe hili husi Konfederasaun Desportu Timor-Leste sigla portuges (CDTL) hamutuk ho Komite Nasional Olimpiku Timor-Leste sigla portuges CONTL tanba governu kria deit kondisaun atu sira ba kompete iha jogu internasional sira.
Nia afirma tan, depois atleta sira fila husi Asian Games tama tinan oin governu sei hili modalidade prioridade atu hetan prestasaun governu iha ona planu ba tinan oin hamutuk ho CDTL ho CONTL katak preparasaun ba atleta sira tenki tinan ida tomak para atleta sira halo preparasaun diak molok sira ba kompete jogu internasional sira tinan oin
Aleinde preparasaun atleta nasional iha kompetisaun nasional ba atleta sira husi modalidade prioridade governu hili para atleta sira bele sufisiente katak prepara tinan ida nia laran mak hare’e atleta sira hatudu prestasaun duni ka lae?.
Entretantu, atleta Timor-Leste husi modalidade sanulu partisipa iha Asian Games 2023 iha Hangzhou, China ne’e modalidade badminton, natasaun, tiru ho tenis kampu mak hatudu perfomnasia minimu liu tanba lakon iha jogu dahuluk no boxing mak la tuir kompetisaun tanba iha problema.
Modalidade Taekwondo, voleibol praia ho atletizmu nia atleta sira sei hatudu perfomansia diak oituan tanba manan atleta sira husi nasaun seluk. Modalidade karate-do ho hit besi daudaun ne’e sei tuir hela kompetisaun iha Asian Games.
Reportajen: Augusto dos Santos