Guvernu Kontinua Fasilita Timor Oan Ba Servisu Iha Korea Sul

SAPNewsTL, Dili : Tuir Sekretaria Estadu Formasaun Profisional no Empregu Alarico Do Rosario konsidera oportunidade ba servisu iha Korea Sul laos hare de’it ba servisu maibe aprende mos iha ne’eba, aprende ne’e tenke tau iha kakutak, nune’e husi buat ne’ebe imi aprende bele ba aplika iha Republika Demokratika Timor Leste nian.

“Aprende ne’e tenke tau iha kakutak, nune’e husi buat ne’ebe imi aprende bele aplika iha ita nia rain (Timor Leste), futuru imi mak sai hanesan diplomatika timor leste iha korea, katak ita ba hodi timor nia naran rai a’as dignidade timor nian iha korea do sul”. Hateten SEFOPE Alarico do Rosario iha Timor Lodge, 17/11/2022

Governante ne’e fanun traballador sira hatudu komportamentu diak hodi kontinua loke dalan ba timor oan sira hodi ba servisu

“Imi ba servisu, imi ba hatudu komportamentu di’ak, nune’e bele aumenta tan timor oan sira ne’ebe mak sei tuir hela dalan maske sei iha prossesu nia laran, imi tenki hatudu komportamentu di’ak ne’ebe sai ho oras no tama ho oras, ita boot sira mos tenke hodi ita boot sira nia aan ba besik iha komunidade korea nian, karik imi viziñu ho ema korea sira ne’ebe mak laiha forsa, imi fo solidariedade Timor Leste nian ba sira”. nia sublinha

Iha fatin hanesan Ministeriu Kordenador Asuntu Ekonomiku (MKAE) Joaquin Amaral sente kontente no parabeniza tanba ho esforsu naruk to’o ikus sai selesionadu ba servisu iha Korea Sul

“Ha’u hakarak apresia no fahe kontente ida ne’ebe hamutuk iha ne’e, secretaria estadu representante korea tanba ita boot sira liu selesaun nain atus ida tanba ida ne’e liu husi biban ida ne’e hakarak hodi governu nia naran hato’o parabens ba ita boot sira nia esforsu tomak ne’ebe mak liu husi prossesu nia laran to’o termina loron ne’ebe imi aranka ba koreia,”Nia Afirma

Alende ne’e mos Trabalhador Timor oan Leonito Araujo Soares hatutan nia sente triste maske iha prossesu nia laran maibe nia nafatin esforsu, nune’e nia bele sustenta ba familia uma laran no selu oan sira nia eskola inklui halo di’ak ba nasaun Timor-Leste

Entertantu, Traballador ne’e mos husu ba Timor oan no joven sira atu respeitu prossesu ne’ebe naruk hodi labele lakon vontade atu esforsu nafatin

Enkuantu, trabalhador ne”ebe ba servisu iha korea hamutuk atus ida (100), sira sei ba servisu iha Area Fabrika Peskas rai maran no tasi laran, traballador hirak ne’e sei desloka ba Korea do Sul hahu husi loron 20-27 fulan Novembru 2022

Jornalista : Aquelinha Mangalhães

Editor        : Ekipa Editorial