Hamenuz Taxa Mortalidade, UNFPA Husu Laen Sira Lori Fen Ba Sentru Saúde

SAPNewsTL,Ermera : Embaixador Boa Vontade United Nations Population Fund Timor-leste(UNFPA), Catarina Furtado halo vijitasaun ba Sentru Saúde Gleno-Ermera, objetivu husi vizita ne’e hodi observa no halo sensibilijasaun ba maternidade sira hodi hanenus taxa de mortalidade

Tuir embaixador Boa vontade UNFPA Catarina Furtado hateten atu minimiza taxa mortalidade tenki halo investimentu no hadia fasilidade sira iha sentru saude ne’ebe hasoru kondisaun aat hodi bele fasilita komunidade sira ho diak

“Atu hatun taxa mortalidade inan ne’e bele halo, maibe, preija vontade husi politika sira hodi halo investimentu, no parseiru sira ne’ebe kolabora ho governu ministru saude presiza halo asistensia, hodi hadia infraestrutura, fasilidade saúde, tau ai-moruk, equipamentu no halo formasaun ba Profisional saúde sira, nune’e bele halo atendimentu ba inan sira”.Dehan Embaixador Boa Vontade UNFPA, Catarina Furtado ba Jornalista sira hafoin vijita Clinika Maternidade de Gleno,Quarta-feira(06/09/2023)

 

Nia salienta katak, atendimentu ba inan sira ne’e tenke diak atu inan sira hakarak mai partus iha fasilidade saude.

Iha Timor 51% deit mak tur partus iha fasilidade saude. Entaun restu ne’e lakoi mai tanba sira mak hili lakoi mai. Tan ne’e presija halo buat ruma para ema sira ne’e hakarak mai hodi hamenus mortalidade inan

Nia informa mos katak, redus mortalidade inan nian presija envolvimentu husi parseiru sira hodi apoiu no motiva fen sira para halo tratamentu ba sentru saude sira

“Envolvimentu husi mane sira ne’e importante liu hodi hambrik iha kotuk hodi apoiu no motiva fen sira hodi buka atendimentu bele ajuda salva sira vida”nia husu

Nia salienta katak, bainhira halo investimetu makas iha saude sei investe mos iha ekonomia no vida sosial tanba ne’e hatudu iha mundu tomak.

 

“Iha evidensia, mundu tomak hatudu katak bainhira ita investe iha saude sei investe mos iha ekonomia no vida sosial. Investimentu atu hadia fasilidade sira ne’e sei fo impaktu atu hadia vida ekonomia tanba bainhira ita halo fasilidade sai diak, ita promove ema nia saude sai diak.”

 

Embaixadora Boa vontade UNFPA ne’e rekomenta ba governu hodi halo investimentu ba promove saude reprodutiva, saude sexsual, planeamentu familiar tanba. Nia alerta katak UNFPA nia projetu hodi apoiu ba saude sexual, reprodutiva saude inan ne’e hodi melhora kondisaun saude inan iha paises sira

 

“Ha’u hakarak apela ba governu atu bele investe no promove saude reprodutiva ba saude sexsual, planeamentu familiar, violensia bazeia ba generu no saude inan”.

 

“Ha’u vijita nasaun barak no ha’u hare projetu barak ne’ebe UNFPA halo, sira investe iha saude sexsual, reprodutiva saude inan no ida ne’e ajuda hodi melhora kondisaun saude inan nian iha pais ne’eba. Ida ne’e mak ita halo ba nasaun ida ne’e hodi hanesan ho nasaun sira seluk” Informa nia

 

Enkuantu, UNFPA Timor Leste daudaun ne’e kontinua apoia Ministériu Saúde hodi kontribui ba dezenvolvimentu setor saúde liu husi forma Profissional Saúde Sira, Dezenvolve fasilidade saúde, apoiu inan isin rua sira no seluk-seluk tan

 

Jornalista: Marcela Mery da Costa