IOB Fo Judisium Ba Estudante 313, Entre Sira 45% Hetan Ona Servisu
SAPNewsTL, Dili : Institute Of Business (IOB) liu husi Fakuldade Ekonomia no Negosiu Fakuldade Information and Comunication Tecnology no Fakuldade Hospitalidade e Turismu hala’o Serimonia Judisium 21a Periodu 2022 ba Programa Diploma 2 no 3, Lisensiatura no Mestradu hamutuk 313
“Ohin hala’o serimónia Jurisiáriu ba estudante sira ne’ebe mak husi grau Mestradu, Licensiatura, Diploma 3 ho Diploma 2 ne’ebe mak akaba ona sira nia estudu iha tinan 2022”. Dehan Reitor IOB Pedro M.F.G.B Ximenes ba Jornalista iha Salaun IOB-plaza, sexta-feira (23/09/2022)
Nia akrezenta, ohin simu judisiariu 313 pessoas, husi total pessoas ne’e iha ema nain sanulu-resin haat (14) mak mestradu, iha ema atus-rua limanulu ne’ebe mak husi nivel Licensiatura no mos restante ne’e husi Diploma tres (3) no Diploma dois (2).
“Dadus ne’ebe ami hetan husi atus-tolu sanuresin tolu(313) ne’e kuase 45% mak hetan ona servisu, enkuantu 55% seidauk hetan servisu, sira ne’ebe hetan servisu barak liu mak husi Kontablidade nian, ne’ebe mak kuase 60% mak hetan servisu ona” Nia Dehan
Reitor ne’e mos husu ema hotu atu sai ema ne’ebe mak ho hanoin diak, ho liafuan midar, ho hahalok diak, respeitu ema seluk, sempre iha vontade atu aprende no Disiplina iha kualker servisu saida deit mak halo tenki disiplina no la bele dezenvolve iha aktu sira ne’ebe mak bele estraga sira nia an
Iha fatin hanesan Celestino Almeida da Rocha husi programa Mestradu, Area Rekursu humanu, Grau Akademiku Jestaun Manajementu(MM) senti orgullu tebes tanba bele hahu estudu husi 2018 to’o mai ohin 2022 bele finaliza, maske pandemia kovid afeita ba prosesu estudu nian ne’ebe mak la konsege finaliza
“Nudar joven ida ho idade ne’ebe mak produtivu bele hasa’e skill no badaen, liu-liu iha area edukasaun formal nian, ha’u senti kontenti tanba ohin bele hetan ona apalidu ikus nu’udar masteradu iha kareira professional” Tenik Nia
Nia mos husu ba joven sira iha Teritóriu Timo-Leste atu labele hakiduk ba dejafiu barak ne’ebe mak hasoru maibe koko la’o nafatin, la bele lakon vontade
“Maluk sira ne’ebe sei iha nivel Secundariu, Licensiatura no Masteradu katak procesu ne’ebe ita bo’ot sira hala’o tenki manten hodi bele finaliza ho diak, dala wain dehan edukasaun importante maibe presija mos ekonomia, maibe ekonomia hanesan indikador ida ne’ebe kontribui ba processu edukasaun, importante mak preparasaun no iha boa vontade” Nia Akresenta
Enkuantu, Institute Of Business (IOB) kompostu husi fakuldade tolu hanesan Fakuldade Ekonomia no Negosiu Fakuldade Information and Comunication Tecnology no Fakuldade Hospitalidade e Turismu ho nia departamentu sira hamutuk sanulu (10)
Jornalista : Marcela Lemos
Editor : Ekipa Editorial