Jerasaun Patriota Husu Governu Buka Tuir Restu Mortais Presidente Nicolau Lobato
SAPNewsTL, Lautém : Hafoin hamutuk Populasaun sira iha Postu Administrativu Luro komemora loron heroi nasionál ho selebrasaun misa no kari ai-funan iha Jardim dos Herois Luro, Jerasaun Patriota Augusto Ramos Branco husu guvernu buka tuir ruin husi Saudozu Prezidente Nicolau Lobato.
Administrador Postu Luro Augusto Ramos Branco hatete jerasaun foun no jerasaun patriota husu ba na’i ulun makawr ukun sira hodi tur hamutuk buka tuir restu mortais saudozu Presidente Nicolau Lobato nian ho halot iha jardim tanba ukun an tinan 21 ona maibe to’o agora seidauk hetan.
“Hanesan jerasaun foun no jerasaun patriota husu ba nao ulun sira hodi tur hamutuk buka tuir restu mortais Presidente Nicolau Lobato nian ne’ebe to’o agora seidauk hetan no halot iha fatin ne’ebe dignu, Inklui heroi sira seluk ne’ebe seidauk hetan sira nia ruin”.Tenik Administrador postu Luro Augusto Ramos Branco ba SAPNewsTL iha nia knaar fatin, Luro, 31/12/2023.
Augusto Ramos mos husu ba foinsa’e sira hodi buka hatene digifika heroi funu na’in sira tanba husi sira nasaun ne’e sai livre no ukun an.
“Ita ohin selebra misa no kari aifunan ne’e hodi hanoin ba sira nia mate, jerasaun foun sira tenki hatene dignifika heroi sira no valoriza sira ne’ebe mate ba nasaun ne’e nia ukun rasik an”.
Augusto Ramos hatutan, komemorasaun ohin ne’e mos hodi hanoin hikas espesia ba Saudozu Nicolau Lobato ninia mate tanba ohin hanesan loron ne’ebe Presidente Nicolau Lobato Mate iha Mendelo, Manufahi, 31/12/1978.
Enkauntu, Saudozu Presidente Nicolau Lobato hetan assasinatu iha loron 31 Fulan Dezembru tinan 1978, assasinatu ne’e akontese iha area Medelo, Munispiu Manufahi tanba hetan embuskada husi forsa Indonéziu sira.
Hafoin hetan assasinatu, Forsa Indonéziu sira lori no tula mate isin Presidente Nicolau Lobato ho Helikpoter ida husi Manufahi, maske nune’e maibe lahatene sira lori ba ne’ebe no hakoi iha ne’ebe nune’e to’o agora seidauk hatene ninia paradeiru.
Jornalista : Etelvina dos Santos