Halakon Ki’ak & Injustisa, Guvernu Sei Servisu 24 Oras

SAPNewsTL, Dili : Vise Primeiru Ministru, Ministru Koordenador Assuntu Sósial, Ministru Dezenvolvimentu Rural no Habitasaun Komunitáriu Mariano Assanami Sabino Hamutuk ho Membru Governo dasia partisipa iha Marsa Saudável Komemora Loron Konsulta Popular 30 Agustu ba dala XXIV

Iha Diskursu, Vise Primeiru Ministru Mariano Assanami Sabino hateten tinan 24 luta ba independênsia, ohin tinan 24 Timor Leste hamrik mesak nu’udar estadu ida, Timor oan hotu tenki foti responsabilidade ida hodi luta hasoru Kiak, Injustiça no moris susar iha sosiedade

“Tinan 24, ohin Ita hamutuk iha ne’e ho responsabilidade ida, Itá hamutuk hodi hakoak ba kauza nasional ida hodi halakon ki’ak no injustiça ne’ebe nafatin iha Ita Nia le’et, ita la realiza Sira hotu hotu nia mehi no ita hotu nia mehi hanesan mate restu ne’ebe mak ita seidauk konsege realiza”. Tenik Vise Primeiru Ministru Mariano Assanami Sabino liu husi nia Diskursu iha Dili, 30/08/2023

Governante ne’e husu ema hotu hodi hatudu Prontidaun, seriedade no honestidade hodi fo kontinuidade ba libertasaun povu hanesan mate restu “Ita mos hatudu Ita Nia protidaun, Ita Nia seriedade no onestidade hodi fo kontinuasaun ba sira ne’ebe mate, ita ne’ebe moris to’o ohin loron la mai de’it ho Ita nia kakarak no interese maibe Ita ne’ebe luta hanesan mate restu ne’e katak ita iha responsabilidade ne’ebe mak boot liu atu dedika a’an no servisu nafatin”. Nia husu

“Ami ne’ebe iha governu, ami kaer ukun ne’ebe mak povu nian, tau iha Ami Nia Liman atu dedika Fila fali servi 24 horas kada loron, laiha limitasaun no laiha servisu ida ne’ebe mak ho oras naton ka to’o de’it tuku 06:00”. Nia afirma

Alende ne’e, Mariano Assanami Sabino mos husu ba joven sira tenke iha hotu responsabilidade hodi Hakaas an estuda, aprende no tama iha kompetisaun sira tanba inan aman sira fakar ran mak sosa ukun rasik an

“Joven sira tenki iha responsabilidade hodi Hakaas an estuda, aprende no kompete, tanba ita nia família sira fakar raan hodi sosa imi nia liberdade tanba ne’e tenke hakas a’an estuda no aprende, Joven futuru Líderansa ba nasaun, ita tenki lori Timor Leste ba oin no sai diferente iha mundu Rai klaran”. Nia subliña

Entertantu, Iha Komemorasaun ne’e hetan Partisipasaun maksimu husi Membru Guvernu Sira, entidade relevante sira, Grupu Drum Band husi Eskola Sekundáriu Kristal, SACROJES Bekora no Eskola Sekundáriu São Paulo inklui komunidade sira

Serimonia ne’e organiza husi Ministériu Administrasaun Estatal, Hala’o marsa husi Jardim 5 de Maiu Motael to’o Ponte B.J Habibie konklui ho Diskursu Refletivu no Konsertu Musika ba populasaun sira

Jornalista : Aquelina Magalhaês