Komportamentu Diak ! Empregador Austrália Bolu Hikas Traballador 55
SAPNewsTL, Dili : Sekretaria Estadu Formasaun Profisional no Empregu (SEFOPE) liu husi Diretor Jeral Carlito do Rosario Cabral asina tan akordu ho traballador sira hamutuk 58 hodi ba servisu iha Austrália.
“Ekipa SEFOPE fo apoiu tomak, ita boot sira ba servisu iha rai-liur ne’e lori Nasaun Timor nia naran ba servisu, trabalhador sira ne’e, entre sira 58, na’in tolu (3) mak foun, sira na’in 58 kompanha Haat (4) mak rekruta sira maioria sei servisu iha agrikultura”. Tenik Diretor Jeral SEFOPE Carlito do Rosario Cabral iha SEFOPE Kaikoli, 29/02/2024
Diretor Jeral SEFOPE ne’e husu traballador Timor oan sira hodi obedese ba regulamentu hirak ne’ebe estabelese no asina liu husi akordu ne’e tanba servisu representa nasaun Timor-Leste.
“Atu husik hela ita nia trabalhador sira sempre halo serimonia despedida tanba sira ba nu’udar representa nasaun, ba servisu iha ema nia rain tenki nafatin kumpri regra sira ne’ebe mak ita iha”.Nia husu
Carlito do Rosário Cabral fundamenta, komportamentu traballador sira nian diak los tan ne’e empregador sira deside bolu hikas traballador sira hodi ba servisu kontinua iha Austrália.
“Empregador mos hare katak ita nia trabalhador sira hatudu sira nia komportamentu ne’ebe diak los, entaun sira diside bolu fila fali ita nia trabalhador sira” Nia dehan.
“Ita nafatin fo garantia sira nia orsamentu ho salário ne’ebe sira simu haruka mai sira nia familia atu halo atividade ekonomia rumahodi hadia sira nia moris”.nia afirma
Enkuantu, empregador haat ne’ebe traballador 58 ne’e sei ba servisu ho sira mak Kompanha Connect Group, Thomas Food International, Queensland Berries no Top of the Crop.
Jornalista : Dircia Baptista Belo & Elanora Fátima