Viqueque, 27 Agusto 2020, Kultura nu’udar eransa, símbolu no riku soin ne’ebe ita nia beiala sira husik hela mai ita, ita kaer ba ita nia kultura hanesan ita nia identidade ne’ebe ita tenki konserva, prezerva no promove liu tan husi derasan ba derasan. Kultura mos sai ona valores, normas no prinsipiu moris ba sosiedade Timor-Leste nian.
Foinsa’e millennial iha ida-idak ninia sosiedade, iha ne’ebe sempre promove, haburas no deselvolve ba sira nia atividade ho espiritu forsa vontade ho hanoin ida atu hametin no haforsa ita nia kultura. Nune’e obra kultural hirak ne’ebe sira husi hela ba ita labele lakon no mout iha dalan klaran.
Hafoin Amo Bispu Dom Basilio do Nacimento Prejide Misa Enseramentu, Kontinua kedas ho Processu entrega Ilas São Tarcisiu ba Paroquia Luro, serimónia ida ne’e hahú ho pasa revista, iha Pasa revista ba Santu Tarcisio Lia na’in Quaze Paroquia Uatucarbau ho laran trizteza hateten “ Santu Tarcísio mak ne’e, nia kompleta ona ninia vizita iha rai Uatucarbau, ohin nia nafatin ho kondisaun, kompletu, diak, simu no lori nia ba kuidadu no haree nia didiak”.
Entretantu Amu Paroquo Luro Pe. Augusto Assunção Delfim de Sá simu ho Laran Ksolok “ fo Agradese ba Sarani no akolitos Paroquia Uatucarbau ne’ebe kuidadu teb-tebes nia ohin bele entrega mai ami ho isin lolon kompletu” enkuantu Akolitos Uatucarbau “Hamonu Matan-ween wainhira entrega tiha Ilas Santu Tarcisiou ba Paroquia Luro no haksumik an husi sira leet”.
Iha sentidu ida ne’e Akólitos Paroquia Luro Simu Ilas Santu Tarcisio ho Grupu tolu mak hanesan Grupus das Tambores Tradisionais apresenta ba St. Tarcisio ho sentidu firmeza no disciplina hodi fo onra no Gloria ba maromak tuir kultura no tradisaun Luro nian, hafoin ida ne’e tutan ho aprentasaun Tebe-Dai no Dansa Tradisionál inklui Tara Selendan husi Pe. Augusto Assunção Delfim de Sá, Poezia Bemvindu Apresenta husi Zelfia de Jesus Pinto no Kántiko bemvindo Apresenta husi grupu Tebe-Dai no Dansa Tradisional sira.
Hafoin simu tiha Ilas Santu Tarcisio Husi Quaze Paroquia Uatucarbau, kontinua kedas ho jantar komfraternizasaun molok halo viagem husi Uatucarbau to’o Paroquia Luro iha oras tuku 10:00 kalan, maske nune’e maibe Koroinha sira, Akolitos no Sarani Paroquia Luro hamutuk ho Autoriedade Lokal Postu Luro liliu Administrador Postu administrativu Luro Sr. Delfim Markes ho nia esposa, Xefe Suku Luro Sr. Marciano Rafael Sabino ho nia Esposa inklui Xefe Aldeia sira no Professores sira hein no simu nia ho grupus das Tambores Tradisionais ne’ebe lidera husi Koroinhas sira no akompanha nia to’o iha igreja hafoin han hamutuk no fahe malu.
Kantico simu nian
“Mai maun alin akólitos sira, mai simu nain São Tarcisio,
São Tarcisio ne’ebe fo dame mai ami, Ohin loron ita halibur malu
Akolitos Luro oan sira ne’e, liu husi São Tarcisio nia Orasaun,
ne’e duni São Tarcisio to’o fatin ne’e, Atu fo ate brani akólito sira
Akolitos Luro Oan sira ne’e, ho neon ho laran ida deit,
ami simu São Tarcisio ho liman rua, mai hamutuk ho luro oan sira
fo mai ami ho aten brani, ami bele servi iha altar santu
nu’udar sakrifisiu ba ema hotu, ami nia fiar moris ho haraik an 2x
adeus, adeus ba Akolitos Uatucarbau oan sira ne’e
keta neon laran susar, keta hanoin resin hela ba ami liu lai “2x
27/08/2020
Hakerek nain
Professora Deolida da Costa Hornay