Lori FRETILIN Ba Vitória Iha Eleisaun, Lere Sei Tun Halo Kampanha

SAPNewsTL, Dili : Relasiona ho kampanha Parlamentar 2023 ne’ebe sei hahu iha loron 19 Abril. Lideransa Troika Partidu Frete Revolucionario Timor Leste Independente (FRETILIN) Jeneral Lere Anan Timur afirma sei tun ba kampanha hodi lori vitoria ba FRETILIN tanba konsidera nu’udar Vitamina ba Partidu historiku FRETILIN

“Ha’u Vitamina ba FRETILIN, Ha’u sei tun ba kampanha hanesan lideransa troika, ha’u sei halo esforsu hotu-hotu hodi la’o hamutuk ho FRETILIN, ko’alia programa, prinsipiu, misaun no vizaun FRETILIN ba povu maubere, maske Bandeira FRETILIN ema dada menuz maibe povu kuda iha fuan”. Tenik Lideransa Troika FRETILIN Lere Anan Timor iha Farol Dili, 12/04/2023

Lere Anan hatutan, Partidu se deit sei la halo milagre, programa hotu hanesan ba povu nia moris, se mak ukun tenki iha alternativa ba fundu minarai, oinsa desenvolve setor saude, agrikultura, edukasaun hodi hadia povi nia moris diak

“Se mak ba ukun tenki lori moris diak ba povu, partidu sei buka alternativu ba tinan ruanulu mai, FRETILIN sei halakon Koluzaun, Korupsaun, Nepotizmu inklui hahalok grupusmu no familiarismu”. Nia dehan

Jeneral ne’e mos husu ba povu Timor Leste hodi partisipa iha kampanha no vota, vota ho konsiensia hanesan dever obrigasaun sidadaun ida, vota hodi determina nasaun nia futuru

Enkuantu, Tuir Kalendariu Kampanha Parlamentar sei hahu iha loron 19 fulan abril 2023 iha territoriu nasional

Jornalista : Anina Martins