Ponte Diresaun Zumalai Ba Bobonaru Mout, Sirkulasaun Transporte Públiku Paradu
Imajem : Ponte Zumalai Iha Area Aldeia Biata Suku Fatuleto, 12/04/2023
SAPNewsTL, Dili: Relasiona Ho Udan Boot Durante Semana Ida Iha Postu Administrativu Zumalai Munisípiu Covalima Rezulta Ponte Zumalai Kotu no mout tanba Impaktu husi Mota no Dezastre Natural
Tuir Kronolojia Ne’ebe Xefe Aldeia Biata Suku Fatuleto Afonso do Nascimento haktuir semana liu Ba Akontese udan Rezulta Ponte okos Hahú naksobu no ohin Mak Konsege mout Tiha halo transporte sira lábele ultrapassa
“Semana liu ba udan boot, rezulta ponte Okos hahu naksobu no ohin loraik tuku 3 mak konsege mout tun, asphal nakfera maka movimentu transporte liu ladiak ona, inklui kanalizasaun bee mos dada hosi Lepo mai Suku Fatuleto no Zulo mos kotu tiha ona”. Informa Xefe Aldeia Biata Suku Fatuleto Afonso do Nascimento Liu Husi via telefone ba SAP News TL iha Zumalai, 12/04/2023
Xefe Aldeia Biata ne’e mos husu ba Guvernu atu rehabilita hikas tánba estrada refere Komunidade Sira utiliza Ba sirkulasaun lor loron Liliu husi Postu Administrativu Zumalai Ba Munisípiu Bobonaru no Dili
Hafoin estrada Refere Aat, Rezulta mos kanalizasaun Bee Ba Komunidade Suku Fatuleto no Zulo mos Aat tánba Impaktu husi asphaltu Ne’ebe nakfera no mout
Relembra fali katak Ponte ne’e hahu Konstrusaun iha 2018 no Finaliza iha 2020 Ne’ebe konstrui husi Kompanha Roman Junior no Joit Venture ho Kompanha Internasional KSC Construction husi Nasaun Corea
Hafoin Notisia ne’e Publika SAP News TL seidauk halo komfirmasaun ho Ministério Obras Públicas, Maibe SAP News sei kontinua Rekolla no Públika iha oras Tuir Mai
Jornalista: Marcela Mery da Costa