Média SAPNEWSTL Realiza Formasaun Dahuluk ba Membru sira Hamutuk Nain 17 iha Dili
Sapnewstl (Dili, 02-04-2022): Ekipa Média Sapnewstl kolabora hamutuk ho estrututra Sapnewstl realiza formasaun ba membro 17 iha Kampus Sentral UNTL ho objetivu atu kapasita membro sapnewtl sira nia kuñesimentu iha area jornalista nian liliu oinsa rekolha informasaun iha terenu prosesa, fabrika, divulga no publika informasaun ba komunidade sira iha Presente no Futuru.
Iha entrevista ho Diretor Sapnewstl Sergio Alves da Costa hateten “formasaun ida nee importante teb-tebes ba ita hotu atu bele kapsita, eleva no improviza kunesimentu membru sirra nian. Nune’e membru sira bele halo servisu nu’udar jornalista ho profisionalismo no voluntarismo tuir kode Jornalista, Valor Notísia no Etika Jornalizmu nian iha terenu wainhira halo kobertura.
Director Sapnewstl ne’e hatutan, knar jornalista ne’e la’os fasil maibe todan, entaun atu sai halo servisu ida ne’e presiza ita ninia Espiritu Forsa Vontade, Interese, responsabilidade, kreatividade badinas halo leitura inklui kuda kultu literasia iha ita nia an rasik hodi lori ita nia Média Sapnewstl ba iha futuru tuir ita nia vizaun Sapnewstl ne’ebe informative, inspirativo no Konstrutivu”. (dehan Dietor Sapnewstl Sergio Alves da Costa).
Iha fatin hanesan, Adão Sure realsa katak, “sira senti orgullu no agradese tebes bele hetan oportinidade ida nebe mak gratuita hodi bele hetan formasaun ida importante hanesan ne’e tamba hosi formsaun ida ne’e hanorin no fanun ami oinsa hakerek notisias, publika notisias, hatene valores notisias sira, hatene oinsa kolleta informasaun sira iha terenu.
Entetantu, Partisipante ne’e mos hato’o sira nia esperansa nu’udar Membru Sapnewstl katak : “Sapnewstl ida ba imi, Tan imi, ohin ami, Ba imi, Ami pronto ba Timor Leste ida promovidu no desenvolvidu em relasaun ho servisu média nian.
Tuir observasaun nota katak Iha formasaun ne’e, partsipante sira iha vontade tebes hodi partispa no pratika oinsa reklla informasaun, hakerek notisias no publika informasaun ba publiku. no ikus sira konsege konklui hakerek notisia, apresenta no diskuzaun,
Enkuantu, formasaun ne’e hetan partisipasaun maksimu husi membru sira no estrutura Media Sapnewstl hamutuk 17 no formasaun refere konsege la’o ho diak no susesu.
Jornalista : Koiru Nisa Ramos Costa
Editor : Luis Pailofo