MF Relata Servisu Ba PM Taur, Timor Oan Sei Hetan Kartões Kréditu BNU Husi Portugal

SAPNewsTL, Dili : Enkontru Regular Ministru Finansas(MF), Rui Augusto Gomes ho Primeiru Ministeiru(PM) Taur Matan Ruak orseik, MF atualiza servisu Ministeriu nian kona-ba jornada planeamentu ne’ebe mak sei realiza iha sexta feira ne’e, ezekusaun orsamentu, kartoens de kreditu no projetu for all

“Ami ko’alia liu kona-ba ba jornada planeamentu ne’ebe sei halo iha sexta-feira, jornada ne’e importante tanba nia passu ida, atu ita prepara lei da tranzusoens do planu ne’ebe mos sai baze ba ita hodi prepara, ita nia orsamentu geral tinan 2024 nian. Ha’u mai simu orientasaun husi primeiru ministru, portantu Ita hakarak kontinua projetu sira ne’ebe mak la’o dadaun para labele kotu-kotu, mai hakarak kontinua ida ne’e, ita mos hakarak para ita nia ekonomia hetan estimulu kresimentu ass liu”.Dehan Ministru Finansas Rui Augusto Gomes, ba Jornalista sira iha palasiu Governu, segunda-feira(20/03/2023)

Nia akresenta katak husi enkontru regular ne’e nia mos relata ba PM kona-ba ezekusaun orsamental no nia espera katak final husi fulan ne’e orsamentu nia nivel bele hanesan ho tinan kotuk

“Tuir mai relata mos ita nia ezekusaun orsamental, oras tan ita sei hatun notisia ida kona-ba diskusaun orsamental ba fulan marsu, ita espera katak to’o final do mes, ita bele alkansa nivel ida hanesan ho tinan kotuk nian”Tenik nia

Nia haktuir, bainhira akordu entre governu Timor-Leste finaliza ho BNU, sidadaun sei hetan kartoens sira ne’ebe mak produs iha Portugal

“Ha’u mos informa ba exelensia kona-ba kartoens de kreditu,ne’ebe dadaun ne’e ita sei finaliza hela akordu ho BNU, portantu ida ne’e finaliza ona mak ita bele hetan ona kartoens sira ne’ebe produs iha Portugal”Nia salienta

Governante ne’e mos informa katak iha kuarta-feira lorokraik, MF sei asina akordu entre governu Timor-leste ho konferensia Psikopal Timorense ba suvensaun publika ne’ebe sei transfere setes. Alende ne’e mos Serimonia kona-ba entrega projetu turismu for all husi USAID, mai governu timorense

Jornalista : Marcela Mery da Costa