Muda Lei Kriminaliza Difamasaun, Kriminaliza Asesor Simu Osan Boot Laiha Produtividade
SAPNewsTL (Dili): Hafoin Presidente da Repúblika José Manuel Ramos Horta partisipa iha abertura The Dili Dialogue Forum 2022 iha salaun Laline Larigutu CNE Quinta feira ne’e, Iha intrevista ba Jornalista, chefe Estadu la aseita ho Lei kriminaliza Difamasaun nune’e sei haree no hakarak muda lei ne’e hodi labele kriminaliza Difamasaun.
“Ha’u hatete, Ha’u la konkorda ho Lei kriminaliza Difamasaun para haree, Ha’u hakarak Lei ne’e, entaun ne’e mak Ha’u hakarak haree sei muda, Ha’u sei propoin para muda Lei ne’e para lakriminaliza Difamasaun”, dehan Presidente ba Jornalista sira iha CNE Quinta-Feira semana kotuk.
Tuir chefe Estadu ne’e hatete, nia sei halo dialogu ho Bankada balun, para muda Lei kriminaliza Difamasaun ne’e iha periodu mai antes eleisaun.
“Portantu, Ha’u sei halo dialogo iha Tinan foun mai ne’e periodu antes eleisaun, hahu kedas agora mas depois Ha’u ko’alia ho Bankada balun para muda Lei ne’e, entaun lolos imi kriminaliza kuandu halo aktividade hanesan o iha kontratu ho estadu, estadu selu o ho Osan boot depois laiha produtividade loron tomak tuur iha ne’eba hanesan asessor manan 3.000 ka 5.000 dolares la halo buat ida ne’e mak Krimi boot liu fali kriminaliza ida ne’e”, afirma Presidente da Repúblika.
Aleinde ida ne’e mos, kona ba Kazu Jornalista nain 2 hanesan Raimondo Oki no Francisco Simões Belo, tuir Presidente da Repúblika diak liu arkiva tiha Kazu ne’e, dalaruma prokuradoria Jeral Repúblika rasik mos laiha segredu, enkuantu nia husu ba MAPKOMS atu bele kansela tiha keixa ne’ebe antes ne’e halo.
“Ha’u hanoin diak liu soe tiha, Prokuradoria Jeral Republika laiha segredu liu Dalaruma prokuradoria Jeral Republika rasik mak ko’alia, ne’e duni Ha’u husu ba prokuradoria depois iha Kazu ida ho Ministru MAPCOMS nian, Ha’u mos husu ba ha’u nia alin Ministru, ne’e favor kansela tiha keixa”, hakotu Presidente da Repúblika.
Jornalista : Vinsensius Saldanha Morais De Araujo