Lansamentu Livru Rezisténsia Kona-ba Maunana, “Umildade No Revolusionáriu”
SAPNewstl, Dili : Lore Oan halo primeiru lansamentu livru rezisténsia Postu Lore Munisipiu Lautem kona-ba Maunana “Umildade no Revolusionáriu”. Eskritor ba Livru ne’e hateten objektivu husi lansamentu ne’e atu bele transmite informasaun sira rezistensia ninia ne’ebe mak deskreve ona iha livru laran ba historia Lore, nia fontes sentral maka brigadeiru jeneral Cornelio Ximenes Maunana
“Hahú husi peskija hakerek transkripsaun ba edisaun no mos prepara meius hotu-hotu atu bele atende iha lansamentu, nune’e objektivu husi lansamentu ne’e atu bele transmite informasaun sira rezistensia ninia ne’ebe mak deskreve ona iha livru laran ba historia Lore ne’ebe mak sai hanesan fontes sentral maka Brigadeiru Jeneral Cornelio Ximenes Maunana”. Dehan eskritor Amito Qonusere Araujo, ba jornalista sira iha Salaun Quartel Jeral Fatuhada, Tersa-Feira (30/08/2022)
Eskritor ne’e akresenta, Agora dadauk sira halo hela revizaun no buka hela fundus atu apoiu ba seremonia lansamentu ne’e tanba la hetan apoiu ruma husi governu maibe hetan apoiu deit husi Lore oan sira Dili no mos Inglaterra
Livru refere hamutuk pajina atus rua ruanulu resin-sia (229), kapitulu sanulu resun haat (14) no romavi hamutuk ruanulu resin rua (22)
“Ha’u halo deit audiénsia ho Brigadeiru, tinan ida (1), depois hala’o peskija to’o prosesu ne’e hotu kuaze tinan ida ho balu, nia lalais liu tanba iha periodu konfinamentu kovid nia ne’e tempu ne’ebe livre hodi aselera lalais iha momentu ne’eba, Livru ne’e hamutuk kapitulu sanulu resin-haat (14), pg. 229 no nia romawi ne’e hamutuk 22”. Nia Sublina
Nia esklarese, Iha futuru mai sei hakerek tan resisténsia ninian, Graca de deus parese Novembru sei lansa tan livru ida, ne’ebe mak agora dadauk nia sei iha preparasaun atu bele lansa maibe ne’e la’os ba iha istoria Lore ninian nafatin historia rezistensia maibe diferente
Iha fatin hanesan Sekretariu Estadu Komunikasaun Sosial (SEKOMS) fo parabens ba Amito, jornalista ida ne’ebe mak ho ninia kapasidade rasik inisiativa rasik bele ona hakerek kona-ba nia heroi sira liliu jeneral maunana ne’e exemplu diak ba Timor oan hotu
SEKOMS afirma sei kordena ho Ministériu Edukasaun hodi hanorin istoria Timor nian iha eskla sira hotu
“Agora governu nia responsablidade mak sei konsidera livru hirak ne’e hanesan referensia ba Timor oan hotu, liliu ita nia estudante sira, agora oinsa para estudante sira bele lee no akompanha livru sira ne’e, ita sei ko’alia ho ministru edukasaun atu nune’e bele kontinua hanorin iha eskola no tenki tau iha kurikulu, atu la bele depende ba historia nasaun seluk nian, maibe ita nian rasik hanesan livru balu ne’ebe produz kona-ba ita nia lider sira no biografia ita nia heroi sira”. Nia dehan
Nia akresenta, Obstakulu ida mak agora ema ladun lee livru ona, ema ida-idak kaer smartphone dokumentus, notisia, informasaun hotu agora iha handphone, entaun tenki autoriza an ho livru sira hanesan ne’e hodi upload mos iha plataforma online
Entretantu, Ho plataforma online mak hanesan jerasaun milenial ne’ebe loron kalan ho handphone ne’e sira bele lee, selae ema la lee hanesan iha biblioteka nasional no library universidade ne’e ema la dun iha tanba agora ema ida-idak ho nia smartphone.
“Tanba ne’e laos opstaklu ba eskritor sira deit mais ba governu hotu tanba ho ita nia produtu sira, ita nia politika ne’ebe mak ita lansa ita la kuidadu ema la lee, ita nia alin sira konsumu mak historia, informasaun no livru sira husi nasaun seluk deit mais ita nia rasik sira la hatene i sira bele haluha mos ita nia prosesu luta historia ita nia heroi sira, ida ne’e sai preokupasaun se bainhira la upload iha plataforma digital” Nia teni
Enkuantu, iha lansametu ne’e hetan partisipa husi Tenente Jeneral Reformadu Lere Anan Timur, Tenente Jeneral Falur Rate Laek, SEKOMS Mericio Akara, Pe. Juvito inklui entidade sira seluk tan
Jornalista : Marcela Mesquita Lemos & Pascoela da Conceição
Editor : Ekipa Editorial