Refleta Dalan Ba Libertasaun Povu, MOFA Organiza Semináriu Komemora Loron Konsulta Popular
Ermera, SAPNewsTL: Movimento Foinsa’e Atsabe(MOFA) realiza seminário nasionál iha munisipiu Ermera Postu Administrativu Atsabe ho tema 30 DE AGOSTU DE 1999 Dalan Bá Libertasaun Patria, 30 de Agostu 2022 Dalan Bá Libertasaun Povu, objetivu husi semináriu ne’e atu halo reflesaun ida ba joven sira iha prosesu libertasaun patria no projeta foinsa’e sira ba libertasaun povu
Prezidenti(MOFA) Igitro dos Santos fo Agradese ba Timor-Telecom tanba bele suporta MOFA ho osan montante Atus rua(200) hodi realiza semináriu refere, enkuantu prezidente komisaun ne’e mos fo agradese mos bá Pe. Julio Crispin ne’ebe sai orador iha semináru ne’e
“Ami hetan suporta husi Timor-Telecom hodi realiza seminário ida ne’e, mesmu ho osan montante ne’ebe ki’ik ami la fiar an ho osan atus rua(200), maibe tanba ita nia ispiritu unidade no vontade, konsege lori lider sira mai hodi partilha idea ne’ebe loke joven sira nia hanoin oinsa desenvolvimentu ekonomika no politika desentralizasaun iha ita ninia munisipiu aumesmo tempu bele produz lider iha ita nia postu”Dehan Prezidenti MOFA bá jornalista iha salaun Administrativu Atsabe, Segunda-Feira 29/08/2022.
Iha fatin hanesan Orador Pe. Julio Crispin hateten loron konsulta polular,loron povu nian, ne’e povu ninia determinasaun bá ukun rasik an ba afirma sira ninia determinasaun, afirma sira ninia vontade hodi hametin ukun rasik an
“Loron konsulta popular ida ne’e loron povu nian, liliu mos loron joventude sira ne’ebe mak sai motivo no movimenta povu hodi bele vota iha 30 de Agostu, Bá joventude sira iha Postu Atsabe ha’u hatene populasaun iha Atsabe ne’e barak teb-tebes, ne’ebe kaer ba espiritu loron referendu ninian, loron ne’ebe povu determina rai ida ne’e ninia ukun rasik an,loron ne’ebe joventude sira esforsu an hodi movimemta povu ba vota hodi hetan ukun rasik an”. Dehan nia
Entretantu, Padre Julio Crispin hatutan, joventude sira tenki servisu hamutuk haree malu hanesan maun ho alin tulun malu atu liberta povu ida ne’e husi mokit no kiak
Enkuantu, Pe. Arnaldo Frederico de Deus akresenta Foinsa’e sira nia luta, luta ida uluk ne’e luta ba ukun rasik an, luta ida agora ne’e atu dezenvolve povu nia moris
“Foinsa’e sira bele aprende luta, liliu luta ida uluk ne’e luta ba ukun rasik an i luta ida agora ne’e atu dezenvolve povu ho karakter, kapasidade, forsa, energia no dixiplina”. Nia hatete
Entretantu, nia realsa foinsa’e sira tenki eskola didiak tenki sai matenek, foinsa’e tenki hakaas an atu oinsa ho nia matenek ne’e atu halo netik buat diak ruma iha nasaun ne’e, foinsa’e agora ba oin nia sei boot ba dadauk, matenek ba dadauk sei sai lideransa diak bá nasaun
Enkuantu, seminariu nasionál ne’e hetan partisipasaun mak husi estudante sira, autoriedade lokal sira inklui komunidade balu ne’ebe lokaliza iha Postu Administratavu Atsabe Munisipiu Ermera
Reportazen: Conzita mota & John Maritu
Editor : Ekipa Editorial