Salva Oseanu ! Operador Telkomsel, Telemor & TT Servisu Hamutuk

SAPNews TL,Díli- Operador Telekomunikasaun  tolu(3) Telkomsel, Telemor no Timor Telekom (TT),servisu hamutuk hodi salava oseanu liu husi hamos Tasi ibun hodi prezerva ambiente iha Timor-Leste atu kontribui ba prezervasaun meio ambiente

Telkomcel, TT no Telemor lansa iniciativa Hamos Tasi ibun nu’udar parte ida  husi kampanha nasionál ba salva ambiente. Inisiativa ne’e involve atividade limpeza tasi, reabilitasaun ekosistema, no edukasaun publiku kona-ba importánsia tasi ne’ebé limpu.

Gerente Komunikasaun Joana Miranda hateten katak aktividade ohin loron nia ne’e inisiativa primeiru husi Telkomsel, no husi operador Telemor mos iha inisiativa tanba ne’e sira hamutuk hodi realiza aktividade hamos tasi ibun.

“Ida ne’e foin dahuluk operador tolu(3) ne’e hamutuk maibe ami fiar katak ho aktividade ne’e bele fo impaktu sosial ba ita nia ambiente. Limpeza ida ohin ne’e hodi prezerva ambiente no ne’e kontribui makas ba ita klimatika no ita hare’e ameansa bo’ot ba tasi bainhira tanba udan foer sira ne’e sei ba hotu tasi no ne’e sei fo impaktu ba animal sira iha tasi”.Dehan Gerente Telkomsel Joana Peireira Miranda, ba jornalista sira iha Motael,Sabadu(18/05/2024).

Jerente Telkomsel ne’e informa katak husi limpeza tasi ibun ne’e objetivu atu motiva no envolve komunidade iha atividade sira tuir mai  ne’ebé bele proteje ambiente no rikusoin tasi nian.

Iha fatin hanesan, diretor juridiku no relasaun institusionais Timor Telecom Manuel Cárceres, hateten katak ohin halibur iha ne’e atu halo aktividade sosial, limpeza iha area Díli laran nian, hodi komemora loron rua nulu resin rua(22) aniversariu restaurasaun Independensia.

“Iha ambitu loron aniversariu Restaurasaun independensia ita hamutuk ho tema ida unidade iha kompetividade, ita nia hamutuk atu servisu ba povu no rai ida ne’e liu husi telekomunikasaun tanba ne’e mak agradese ba Telemor no Telkomsel ba inksiativa diak ida ne’e atu ita hamutuk hala’o aktividade sosial ida ne’e”Nia informa

Enkuantu, Diretur Solusaun Emprezarial Telemor Michael Zero sente kontente tebes tanba bele hamutuk ho projetu ida hanesan hamos tasi ibun, ne’ebe mak bele salva ekosistema sira iha tasi laran.

“Ami sente haksolok tanba ita bele hamutuk iha ne’e liu husi hamos foer sira iha tasi i un hodi salva ita nia tasi”. Nia ham

Entretantu, aktividade hamos tasi ibun husi Ministeriu Negosio Estrangeiro no Cooperasaun to’o iha igraja Motael ne’e envolve husi Diretor no Management no Funsionariu sira husi operador tolu hanesan Telkomsel, Telemor no Timor Telecom.

Jornalista : Marcela Mery da Costa & Ermelinda Soares