PDRT & AMPT Halo Koligasaun Pre-Eleitoral Kompete Iha ELPAR 2023

SAPNewsTL, Dili – Partidu Demokratiku  Republika Timor ( PDRT) ho Partidu Asosisaun Popular Monarkia Timorense  (AMPT) halo koligasaun hodi kompete ho partidu sira seluk iha Eleisaun Parlametu (ELPAR) 2023,  hodi garante fiar husi Povu Timoroan bele fo votu ba sira para bele hetan asentu iha Parlamentu Nasional.

“Ami Partidu PDRT ho AMPT ohin halo koligasaun kongresu  partido rua ne’e hodi hamutuk  hodi kompete iha elisaun parlamentu 2023 ho  partido sira seluk atu nune’e bele hetan fiar husi povu Timor-Leste ukun Timor asentu iha Parlamentu Nasional “, dehan Prezidente  PDRT Agustinho Gomes ba jornalista  sira iha salaun CNE caicoli, sabadu ( 4/03/2023).

Prezidente  hatutan,  Partido PDRT mos garante tebes ba eleisaun parlamentar  ida ne’e katak sira sei manan votu husi povu Timor-Leste atu nune’e bele hetan kaderia 4 ka 5 iha  Parlamentu Nasional ,  la fair an atu manan iha eleisaun ida ne’e  lalikan kompete ho partidu sira seluk, PDRT ho AMPT halo koligasaun ida ne’e la’os atu hodi ukun maibe atu hodi hakat ba iha Parlamentu hodi hare liu dezempregu no koperativa ne’ebe taxa sa’e makas iha Timor-Leste ne’e

Nia dehan, Partidu PDRT fiar katak sira manan iha eleisaun ida ne’e tanba sira nia programa sei hare’e liu ba iha dezempregu   iha Timor Leste, tanba taxa dezempregu sa’e makas iha rai laran ida ne’e, joven barak mak tenki ba servisu no buka moris iha nasaun seluk tan ne’e karik Partidu PDRT manan sei hare liu ba dezempregu mak promove no reduz  joven sira ne’ebe mak ba servisu iha rai liur no loke kampu traballu iha Timor-Leste para hodi promove  rai ida ne’e.

Iha Fatin hanesan Prezidente Partidu AMRT Pedro  da Costa Carvalho hatete,  sira la’os foin halo koligasaun maibe uluk kedas, sira hamutuk tanba hakarak hare’e ba dezempregu sira iha Timor-Leste

“Partidu APMT ho PDRT  la’os foin mak halo koligasaun maibe hahu uluk kedas komesa iha tinan 1986 , ami halo koligasaun ne’e tamba partidu rua ne’e mai husi povu agrikultura nian ne’e mak ami nafatin halo koligasaun atu hodi kompete iha elisaun parlamentu 2023 nian hodi hare’e liu ba dezempregu no kooperativa iha Timor-Leste hodi haree liu ba kampu traballu ba joven sira iha Timor Leste”, tenik Pedro

Pedro akresenta,  halo koligasaun ne’e bainhira sira manan sei halo saida mak sira promete ba povu, sira tenki kria  kampu traballu no hodi hasa’e empregu ho kooperativa ba  povu aileba no joven sira iha timor laran ida nee.

Atividade ida ne’e partisipa husi estrutura partidu PDRT no AMPT  hahu husi Prezidente partidu to’o mai iha membru hamutuk  husi munisipiu 14 inklui RAEOA.

Reportajen:   Antonio Tilman