Presta Servisu Ne’ebe Fasil ! FONGTIL & USAID Lansa Learning Plataform
SAPNewsTL, Dili – Forum Organizasaun Naun Governamental Timor-Leste (FONGTIL), apresia Governu Amerika liu husi Programa, Ajénsia For Internasionál Develoment (USAID sigla ingles) lansa plataforma aprendijazen FONGTIL iha Timor-Leste.
Diretor Ezekutivu FONGTIL Valentino da Costa Pinto hato’o apresiasain a’as ba governu America no instituisaun USAID ne’ebe fo apoiu, nia parseiru rua part internasional no hametin sistema servisu Saúde nian ne’ebe iha fulan barak nia laran halo prosesu lubuk ida oinsa mak bele lansa konaba programa learning plataform.
“FONGTIL hakarak hato’o agradesimentu wain ba misaun USAID iha Timor-Leste ne’ebe disponivel hodi nafatin besik ho ami hodi bele ajuda ba limitasaun sira ne’ebe halo. Evidensia ida mak Learning platform ida ne’e importante los, bele ajuda ami hala’o knaar sai fasil no diak liu tan no belun diak liu ba parseiru hotu hotu iha Timor-Leste”.Dehan Diretor FONGTIL Valentino da Costa Pinto iha Hotel Timor Segunda (22/01/2024).
Nia haktuir, FONGTIL kontinua hala’o servisu Iha auditorium sosial, servisu ida ne’ebe sosiedade sivil sei bele halo, hodi hare tuituir lalaok servisu sira no kontinua rekomenda ba governu atu bele iha mudansa sira ba futuru.
Parte seluk sira bele halo rasik avaliasaun ida liuliu konaba ODS numeru ida, rua, tolu, haat, lima, neen no ODS numeru sanulu resin-neen ne’ebe bele haforsa instituisaun públiku sira.
Organizasaun FONGTIL konsidera servisu ida ne’e sei bele ajuda diak liu tan oinsa mak sira bele ejekuta ne’ebe servisu diak, fahe informasaun hametin koordenasaun servisu advokasia ba empoderamentu nian sei fasil diak liu tan, bele hetan rekursu ne’ebe naton hodi bele fasilita sira nia membru halo auto treinamentu rasik.
Enkuantu, partisipa iha lansamentu ne’e maka Vise Primeiru Ministru Ministru Koordenador Asuntu Sosiais, Ministru Dezenvolvimentu Rural no Habitasaun Komunitária, Mariano Assanami Sabino no Representante USAID iha Timor Leste inklui entidade sira seluk.
Jornalista : Isabel Soares & Marciana da Conceição