Razaun Buka Ramos Tahan, Lakon Loron 7 No Hetan Hikas Iha Mota Borluli
Imajem : Matebean Afriana Maia ne’ebe lakon durante semana ida hafoin latan hela iha fatuk, area mota Borluli, Marobo, 08/04/2023. Foto : Conzita Mota
SAPNewsTL, Bobonaru : Relasiona ho Udan Boot Iha Munisipiu Bobonaru iha Loron 01/04/2023 Maiz ou Menuz 02:00 loraik iha semana kotuk, iha Ne’ebe Rezulta Labarik Na’in Rua ho Naran Sonia da Costa ho idade Tinan 10 no Afriana da Costa Maia ho idade 12 Mota Lori sira rua hodi halakon sira nia jornada Iha mundu, Enkuantu iha loron sabadu, (08/04/2023) ekipa husi Maroba konsege hetan ona Afriana Ho Kondisaun Latan Hela Iha Fatuk Okos, area Mota Borluli Marobo-Bobonaru
Tuir kronologia ne’ebe Aman Kiik husi Labarik ne’e haktuir iha loron 2 Fulan Abril Liu ba, informa katak Labarik nain 2 ne’ebe mota lori iha Munisípiu Bobonaro Postu Administrativu Bobonaro, iha Area Marobo Mota Borluli ne’e tanba Kauza husi akontese udan boot ida ne’ebe mak mai hanesan rebenta deit no ikus Mai Mota Lori no hakotu sira nia vida.
“Sira Nain 8 Mak Ba Buka Ramos tahan hodi Selebra Loron Domingu Ramos, ikus Mai akontese udan boot ne’ebe mak lori labarik nain 2, Mota Ne’ebe mak Sira ultrapassa Mak mota Borluli marobo, sira ba tiha mota Sorin hodi foti ramos tahan mak akontese udan boot, mota lori Labarik Na’in Rua ne’e, ida hetan ona mate isin no Ida seluk agora Ami sei buka hela”. Tenik Alberto da Cruz Lopes ba Jornalista Sira iha Maliana-Bobonaru, 02/04/2023
Entretantu, Daudaun ne’e, Hetan Ona Labarik ho naran Afriana da Costa Maia Maibé lá salva Ona Nia vida ne’ebe latan hela iha fatuk ida nia okos ho kondisaun mate. Portantu Parte Segurança Halo Ona identifikasaun no Família Lori Ona ba Matebean Nia Rezidensia Hodi Hala’o Nia prosesu Funeráriu
Nia hatutan, Labarik Sira ne’e mesak familia deit, laiha Problema ida mak akontese ba Sira antes ne’e tanba sira ne’e mesak familia deit, Nia konsidera labarik nain rua nia mate ne’e hanesan tentasaun ne’ebe mai derepente deit
Familia Matebean ne’e akresenta, iha Fatin ne’ebe mak labarik nain 8 atu ba foti Ramos ne’e, iha Fatin ne’eba láiha Ramos, maibe ai kakeu no ai Sira seluk mak iha
Informa fali katak, Matebean Sonia da Costa ne’ebe hetan uluk iha loron akontesimentu, parte Familia hakoi Ona iha loron 4 Fulan Abril no Afriana ne’ebe hetan iha loron sabadu liu ba hafoin hetan iha area Mota Borluli Marobo tuir lisan no Kultura família nian
Jornalista: Conzita Mota