Misa Agradesimentu Ba Eskutismu, Pe. Arnaldo : Hala’o Misaun Kristu Nian La’os Padre & Madre Deit

SAP NewsTL, Ermera : Parokia São Jose Operario Atsabe  hala’o misa agradesementu  hodi fo bensa ba farda tuan eskutismu tuan sira, objetivu husi misa agradesimenu ne’e atu halo sira bele hatene espiritu uluk ninian  hodi halibur hikas foin sa’e sira tanba  foin sa’e sira ne’e barak abandonadu no hetan influensia husi buat sira ne’ebé ladun diak, nune’e presiza reorganiza fali foinsa’e sira hakbesik ba maromak no la’o tuir maromak dalan

“Ha’u orgullu tanba escutismu antigu sira  la husik sira nia a’an nu’udar eskutismu, sira mos buka atu bele mai nafatin, ba ha’u prevelejiu ne’ebé maka ha’u hetan, no husu katak,espiritu ne’ebé sira sente, ho lensu  sira tara fila fali, fo forsa ba sira, fo hanoin ba sira atu oinsa, sira bele moniliza membru foun sira  ka foin sa’e sira liuliu ki’ik oan sira, atu bele prense grupu eskutizmu nian iha paroquia, hahu husi aldeia,  suku mai to’o Parokia”,  Padre  Paroku Atsabe, Arnaldo Frederico de Deus dehan ba jornalista SAP News TL iha Igreja São Jose Operario Atsabe, Ermera kuarta (28/12).

Padre Paroku hatutan, lensu ne’ebé maka sira tara fila fali ne’e, atu halo sira bele hatene espiritu uluk ninian  hodi halibur fali foin sa’e sira tanba  foin sa’e sira ne’e, abandonadu mak barak, sira hetan influensia husi buat sira ne’ebé ladun diak, iha tempu ohin loron,  presija organiza sira para oan sira sai diak, tenki organiza husi grupu kategoriais Igreja nian, hanesan eskutizmu, Akolitus ,Ths-Thm, ho inan aman mos tenki tama iha grupu hanesan kaben nain, grupu asosiada apostaladu orasaun, no grupu hirak ne’ebé, adorasaun, grupu jesus mesirikordia atu bele fortifika sira nia fiar, no mos bele organiza sira nia a’an  hanesan kristaun iha modernu nian, grupu sira ne’e mos bele fo forsa ba sarani sira oinsa bele espresa sira nia fiar metin ba maromak.

Nia husu, grupu kategoriais firme nafatin iha lei no prinsipiu eskutizmu nian,  ba akolitus sira firme nafatin iha espiritu São Tarcisio ninian ne’ebé mak tulun ema barak, laos deit sai akolitus, mais ikus mai sai madre, padre,  nune’e mos eskutizmu sira ikus mai balun sai  sai padre no sai madre balu harii familia mos maibe lei ho prinsipiu ne’e tulun tebes sira harii familia ho diak.

Arnaldo Informa, buat ne’ebé maka sira simu hodi hala’o sira nia moris, ida ne’e maka importante duni, ne’e duni  sira ne’ebé maka tama duni iha grupu hirak ne’e, buka hetan buat diak, labele subar, hetan buat diak fahe ba sira ne’ebé sedauk hetan, rona maromak nia liafuan labele hela deit, maibe fahe mos ba sira seluk ne’ebé sedauk sente, ida ne’e maka halo ema  hotu hola parte iha kristu nia misaun no iha mos  kristu nia kna’ar tolu, Nai Lulik ,Profeta no Nai Liurai, no ida ne’e mos laos kna’ar  padre, Madre sira deit, maibe ba sarani hotu-hotu  iha obrigasaun, entaun grupu kategurais sira iha parokia ne’e, maka espresa fuan, funan, tahan, husi misaun kristu ninian.

Jornalista : Jonh Marito