SAPNewsTL Sertifika Estajiadu Sira Husi Sentru Formasaun GFD No FPDTL
Imajen Konseleiru SAPNewsTL Entrega Sertifikadu Ba Estagiria husi GFD no FPDTL, Iha Kampus Sentral UNTL, 25/09/2022
SAPNewsTL, Dili : Média SAPNewsTL distribui sertifikadu ba estajiadu nain sanulu resin ida (11) Husi Sentru Formasaun Grace For Development (GFD) no Fundasaun Parseiro Dezenvolvimentu Timor leste (FPDTL). Iha intervista Prezidente SAPNewsTL hateten sertifikadu nu’udar simbolu agradesimentu, valorizasaun no rekunhesimentu ne’ebe sira hatudu liu husi sira nia prestasaun servisu durante fulan rua sein
“Ohin SAPNewsTL Distribui Sertifikadu ba ita nia estagiadu sira Hamutuk Sanulu Resin ida(11) Na’in ne’en husi Grace For Development(GFD) no Na’in lima husi Fundasaun Parseiru Dezenvolvimentu Timor-leste (FPDTL), sira termina ona sira nia Estagiu entaun ita Destribui sira nia sertifikadu nu’udar valorizasaun ida ba sira nia dedikasaun durante fulan rua resin no balun to’o fulan lima”. Tenik Prezidente SAPNewsTL Clementino Machado iha Kampuz Sentral UNTL Dili, 25/09/2022
Entretantu, Lider Média ne’e mos husu nafatin ba eis estagiáriu sira atu mantein ho firmeza hodi lori SAPNewsTL ba oin tuir kunhesimentu no abilidade ne’ebe hetan durante formasaun tantu estágiu nian
“Nu’udar Prezidente ha’u husu imi, hamutuk ita kontinua nafatin jornalista labele tauk, labele moe, hala’o nafatin servisu nu’udar profisionais ida ne’ebe ke diak hodi hatutan informasaun ne’ebe lolos, justu, kredivel no imparsial ba públiku ho profisionalidade tuir lei komunikasaun sosial no kode étika jornalizmu”. Nia hatete
Prezidente Média ne’e mos fo agradese no parabens ba estagiádu sira tanba ho nia komitmentu no boa vontade konsege luta no konkista to’o finaliza sira nia estágiu maske enfrenta dejafiu no obstakulu barak.
Iha fatin hanesan, Estagiária Konzita Mota sente orgullu tanba bele finaliza sira nia estagiu maske hasoru preokupasaun oioin iha terenu, enkuantu, nia mos lori estagiáriu no estagiária sira husi GFD no FPDTL nia naran hato’o agradese ba SAPNewsTL tanba bele simu no fasilita sira durante hala’o sira nia estagiu iha Média SAPNewsTL
“Ha’u sente kontenti tebes no agradese wain ba Média SAPNewsTL tanba ho laran luak no fuan boot bele simu no fasilita ami to’o momentu ida ne’e”. dehan Conzita
Enkuantu, iha serimónia ne’e hetan mos partisipa husi Konseleiru SAPNewsTL Eng. Armindo de Jesus, Formador husi FPDTL António Altamirando, Estrutura SAPNewsTL inklui Jornalista SAPNewsTL kuaze haat nulu
Jornalista : João Marito
Editor : Ekipa Editorial