Somotxo : Medalla Tenki Fo Ba Ema Ne’ebe Merese

SAPNewsTL, Dili: Relasiona ho preokupasaun publiku ba kondekorasaun ordem Timor Leste ne’ebé Prezidente Republika atribui ba Timor oan sira iha 28 Novembru 2023, Eis Deputadu José Sequeira “Somotxo” hateten kondekorasaun ne’e halo hanesan fo rekuñesimentu ba sira ne’ebe servisu ba nasaun hafoin ukun an.

Iha intrevista ho eis Deputadu José Agustinho Sequeira “Somotxo” haktuir kondekorasaun orden Timor Leste ne’ebe atribui ne’e inisiativa husi Prezidente Republika no kondekorasaun ne’e fo katak hetan aprovasaun husi konsellu agresiamentu.

“Há’u haree katak ne’e inisiativa Prezidente maibe Prezidente Republika kuandu hasai inisiativa ne’e nia la’os nonok mai fahe de’it la’e, nia presiza husu, lahatene foin dadauk nia husu ministeriu defeza, ministru interior, ministru negosiu estranjeiru presiza rona ema sira ne’e merese ka la’e tanba ida ne’e mak komisaun ka konsellu agresiamentu ba lista sira ne’ebe foin dadauk simu kondekorasaun entre estranjeiru ho nasionais sira signifika katak konsellu agresiamentu ne’e aprova”. Dehan eis Deputadu José Agustinho Sequeira “Somotxo” iha Timor Plaza-Dili, 5/12/2023.

Somotxo hatutan ordem Timor Leste iha grau haat ne’ebe bele fo rekuñesimentu ba sira ne’ebe uluk luta ba rai ida ne’e maibe komisaun agresiamentu iha Prezidendia Republika nian tenke haree ida ne’ebe mak merese atu hetan.

”Ordem Timor Leste ne’e fahe ba grau haat, insignia,medalla, koral no grande kolar i publiku tenke hatene katak ida ne’e bele hanesan kondekora ka agresia ka fo rekuñesimentu ba ami sira ne’ebe uluk halo funu, proposta ne’e mai husi parlamentu nasional, mai husi konsellu ministru guvernu maibe tenke rona lai konsellu agresiamentu ka komisaun iha Prezidente Republika ninian sei aprova lista sira ne’ebe haruka mai ne’e se merese duni atu simu agresiamentu ba ordem Timor Leste haat ida ne’ebe mak sira merese”. Nia tenik

“Publiku tenke hatene katak iha separasaun ida ne’ebe funu nian ne’e ordem barak,ordem gerilla ordem Nicolau Lobato maibe ida ne’e semak merese mak hetan la’os hotu-hotu tan ida ne’e mak publiku presiza hatene katak ordem foin dadauk Prezidente Reuplika ne’e mos há’u lahatene dokumentasaun,ita la hareee dokumentasaun ne’e, servisu saida mak sira halo ba estadu maibe publiku labele hatene dehan uluk ne’e sira nune’e, lolos ne’e sira funu na’in mak merese”. Somotxo informa

“Há’u labele dehan kondena ema sira ne’ebe foin dadauk simu kondekorasaun ke sira la merese lakompara hanesan ami halo funu, há’u la ko’alia to’o ne’eba tanba foin dadauk ita ukun an depois de restaurasaun independensia ita lahetene, keta ema sira ne’e halo servisu ba nasaun ba Timor oan sira, ne’e buat ida ne’ebe importante tebes tanba ida ne’e mak lista ne’e tama iha Prezidensia Republika”. Nia hatete

Nia haklean parte nia lakontra desizaun ne’ebe prezidente halo hodi fo kondekorasaun tanba la hanesan ho sira ne’ebe funu nain luta ba rai ida ne’e nune’e se sira hetan kondekorasaun signifika hala’o servisu di’ak ruma hafoin ukun an.

“Medalla ida ordem Timor Leste katak hotu-hotu ne’ebe halo servisu di’ak ruma aktu ruma sakrifika nia an para rezolve problema ita lalika duvidas tanba nia nunka halo funu maibe publiku ho politiku sira tenke hatene katak ordem Timor Leste ne’e ba hanesan figuras politikas, estranjeiru nasionais ba ema sira ne’ebe halo aktu ida di’ak ba nasaun”. Nia afirma

Enkuantu, Kondekorasaun ne’ebe Presidente Republika Jose Ramos Horta atribui ba Ema Timor oan no Estranjeiru hamutuk atus ida resin inklui Professores hamutuk atus ida (100).

Jornalista : Luis Pailofo