Transforma Istoria TL Ba Jerasaun Foun, CNC Realiza Formasaun Ba Manorin

SAPNewsTL, Dili: Centro Nacional Chaga (CNC) realiza formasaun dixiplina istoria Timor-Leste (TL) ba manorin sira hodi haklean konesimentu para hatutan ba estudante ka jerasaun foun sira atu nune’e jerasaun sira ne’e kunese istoria Timor-Leste nian

“Formasaun ne’e nia objetivu atu ita kumpri kurikulu nasional katak iha eskola hanorin kona-ba istoria entaun ita nia livru kona-ba istoria nia menus , tanba ne’e CNC produz livru sira antes atu distribui ba profesor sira, tenke tuir atividade formasaun depois formasaun ne’e remata hafoin halo distribuisaun manual livru ligatiku istoria ba profesor sira, livru sira ne’e hanesan kuñesimentu ba istoria bazeia ba Timor-leste Leste nian”, dehan diretor formasaun profesional CNC Longuinhos Da Silva ba jornalista sira iha edifisu CNC, tersa (28/03/2023)

Diretor formasaun hatutan, antes atu fahe livru, manorin sira tenke tuir formasaun nune’e sira bele hanorin tutan ba alunu ka jerasaun foun sira, istoria ne’ebe sira fahe tutan ne’e tenke los no tebes labele konta istoria lalos ba jerasaun foun tanba autor ba istoria, sira ne’e mezmu balun mate ona maibe balun sei moris, sira sei moris ne’e hatene katak istoria ne’e los.

Iha fatin hanesan diretor ezekutivu CNC Hugo Maria Fernandes hatete, formasaun durante loron tolu, bele kapasita manorin sira oinsa hanorin alunu sira kona-ba istoria tanba hanorin presija iha kreatividade hanesan lori alunu sira ba vizita fatin istoriku no husu autor sira para konta istoria ba alunu sira

“Formasaun durante loron tolu ne’e atu introdus ba sira oinsa maka hanorin materia istoria ne’e ho kreatividade ne’ebe mak bele halo hanesan livru sira n no oinsa mak atu tulun profesor sira hanorin diak liu tan, tanba kurikulu iha nanis ona nune’e bele kapasita manorin sira oinsa hanorin alunu sira kona-ba istoria tanba hanorin presija iha kreatividade hanesan lori alunu sira ba vizita fatin istoriku no husu autor sira para konta istoria ba alunu sira”, tenik Hugo

Entertantu husi formasaun ne’e CNC sei oferese livru manual ne’ebe mak produz husi CNC rasik ba profesor sira, sira sei vijita fatin istoriku, hare’e filme nune’e banhira sira ba hanorin alunu sira bele halo atrativu, formasaun refere husi INFORDEPE mak oferese manual, portantu formasaun ne’e husi CNC mak fasilita, formasaun ne’e kada profesor sira mai husi munisipiu la inklui mak Atauro , Oecuse no Dili hamutuk nain- 50 

 Reportajen: Juvita Sarmento