UNTL Presta Omenagem Ikus Ba Alumni Tifania Ornai
SAPNewsTL, Dili : Universidade Nasionál Timor Lorosa’e (UNTL), Fakuldade Engenharia Ciensia no Teknolojia nia alumni Tifania Guterres Ornai husi kontizente 2015 lakon vida tanba sofre moras komplikadu.
Hafoin Alumni UNTL Tifania Guterres Ornai fila hilas ba maromak nia kadunan santu, Estrutura Fakuldade Engenharia Ciensia no Teknolojia hamutuk ho estudante sira presta omenagem ikus ba Matebean iha Kampus Fakuldade Engenharia UNTL Hera
Presidente Assosiasaun Estudantil Fakuldade Engenharia Ciensia no Teknolojia UNTL, Sérgio Alves da Costa sente trizte lakon nia alumni diak ida ne’ebe formandu no kualifikadu
“Laran triste tebes lakon alumni UNTL Tifania Guterres Ornai, alumni ida potensia no formandu husi UNTL, nia ne’ebe servi instituisaun estadu li husi Ajensia Desenvolvimentu Nasionál, Instituto Públiku (ADN, I.P) durante ne’e”. Tenik Presidente Assosiasaun Estudantil Fakuldade Engenharia UNTL Sérgio Alves da Costa, iha Dili, 10/11/023
Senadu Estudante Fakuldade Engenharia UNTL ne’e, hato’o sentidu kondolensia profundu ba família sira hotu, estudante UNTL sente lakon nia ema diak ida hanesan Tifania Guterres Ornai, espera katak maromak sei simu nia hodi nia bele hetan fatin hakmatek iha maromak nia kadunan santu
“Ha’u nia sentidu kondolensia profundu ba família tomak ne’ebe lakon no hasoru situasaun moruk ida ne’e, ita hotu reza hodi harohan ba maromak atu maromak bele haraik perdaun no fatin ida hakmatek no naroman ba nia”.
“Ha’u laran metin katak maromak mak lialos, dalan no moris, ema se la liu karik husi nia, nia labele ba to’o aman maromak iha lalehan, nune’e ita hotu hein katak Tifania Guterres Ornai sei ba hamutuk ho maromak, la’o ho maromak no hela ho maromak iha ksolok no damen rohan laek nian”. Sérgio Alves Sublinha
Enkuantu, Hafoin presta omenagem ikus iha kampus Hera, Família translada ona mate isin Tifania Guterre Ornai ba nia rai moris fatin Munisipiu Baukau hodi halot ba nia deskansa fatin ikus nian
Jornalista : Ermelinda Soares