Dalan Ba Empregu, APTC Sertifika Graduadu Timor Oan 25

SAPNewsTL, DILI : Australia Pacific Traning Coalition (APTC) no Embaixada Australia Iha Timor Leste sertifika formadu hamutuk Ruanulu resin lima (25) ne’ebe hola parte iha formasaun durante fulan ida iha etapa dahuluk no daruak, Norberto da Costa fo Agradese ba Guvernu, INDDIMO no APTC tanba servisu hamutuk fasilita formasaun hodi hasa’e sira nia kunhesimentu no abilidade

“Agradese ba parte Guvernu, INDDIMO, no APTC ne’ebe servisu hamutuk hodi bele fasilita ita nia formador sira husi sentru formasaun iha rai laran, iha ne’ebe bele hasa’e tan sira nia kunesimentu no abilidade vokasional nian”.Dehan Graduate Address/ Speech Mr. Norberto da Costa ba jornalista iha Fatin salaun Hotel Timor Quarta Feira ( 12/10/22).

Graduante ne’e mos sente kontenta tanba APTC bele sertifika ona sira no desenvolve liu tan sira nia kapasidade desing porifikasaun

“Momentu ida ne’e ami kontente tebes, tanba APTC bele distribui sertifikadu no fahe ona sira nia matenek liu-liu prosesu oinsa bele dezenvolve dezenhu porifikasaun, oinsa ami mos bele dezenvolve liu tan iha ami nia sentru formasaun sira, transforma ita nia joven sira hodi partisipa mos iha dezenvolvimentu nasional nian”. Dehan nia

Sekretáriu Estadu Formasaun Profisionál no Empregu Alarico do Rosário hateten SEFOPE sente kontenti no agradese ba programa refere

“Ha’u lori SEFOPE, INDDIMO no Sentru Formasaun sira hotu nia naran agradese ba programa ne’e, atu hatete programa ne’e presiza duni Ita boot sira nia tulun no apoiu, nune’e ita nia maluk Timor balun ne’ebe ohin hetan gradusaun, hafoin sira tuir formasaun, ita boot sira servisu makas Duni”. Sublinha Alarico

Entretantu, Governante ne’e husu partisipante sira labele maibe kontinua desevolve kapasidade hodi kontribui ba desevolvimentu nasaun iha futuru

Aliende ne’e, Jerente Programa Manuel Gulmares, kongratula graduadu 25 ne’ebe tuir formasaun durante fulan ida, nia konsidera programa refere fo impaktu direitamente ba desenbolvimento Timor leste nian.

“Ha’u fiar katak graduante sira mos sei esforsu hodi kompleta kualifikasaun hanesan formador, haré ba konteudu ne’e difisil demais, espera katak esforsu ne’ebe graduadu sira atinji ona, parabens ba imi (25) ne’ebe simu ona sertifikadu”. Hatete Manuel

Enkuantu, programa formasaun refere estimula duni formandu sira, iha ne’ebe bele fasilita Timor oan bele ba servisu iha rai-liu no mos rai-laran liliu iha area Sistema Parserial no induztrial

Jornalista  : Antonio Tilman & Marcela Mery da Costa

Editor        : Ekipa Editorial