Hari’i Obra Eterna Ba Povu, PN Hato’o “Votu  de Pezar” Ba Saudozo Paulo Pereira

SAPNewsTL, Dili : Deputada Bankada PLP Maria Angela Lopes saramento   hato’o  votu de pezar  ba saudozo  Paulo Pereira do Santos  ne’ebe nu’udar kompuzitor ba obra muzika nasional  sira ne’ebe mak ohin loron estadu utiliza  sai muzika nasional iha Timor-Leste

“Parlamentu Nasional hakarak hato’o “votu de pezar”  ba ita nia saudozo Paulo Pereira do Santos  ne’ebe nu’udar konpuzitor ba obra muzika nasional  sira ne’ebe mak ohin loron ita nia estadu utiliza  sai muzika nasional iha Timor-Leste  mak muzika hanoin asuwain sira ne’ebe ita sempre kanta iha “um minuto de silencio” ne’e.” Haktuir Deputada Bankada PLP Maria Angela Lopes saramento ba jornalista sira iha Parlamentu Nasional Dili segunda (12/12).

Deputada akresenta, saudozu mos  hamutuk ho Sr. Abilio Araujo halo armonizasaun ba muzika “patria patria” ne’ebe estadu  dekreta  no aprova ona   iha lei ne’ebe  rekoñese  sai hanesan hino nasional ne’ebe povu Timor-Leste utiliza iha serimonia nasional sira no nu’udar kompojitor ba muzika marsa parlamentu foinsa’e nian ne’ebe  pertinenti duni  saudozu merese duni  parlamentu nasional fo “votu de pezar”,  ba nia no iha  ona pedidu deputadu lubuk ida Parlamentu Nasional  hamutuk ho entidade eminenti sira  iha Timor Leste ne’ebe husu  prezidente repbulika  atu fo rekonesimentu ba  saudozo paulo pereira dos Santos  ba nia obra  sira ne’ebe  ohin loron  estadu sei uza nia muzika sira no nia husik mundo ida ne’e mais to’o agora seidauk  fo rekonesimentu ba nia  hein katak iha pedidu ida ne’e presidente republika sei aprova  pedidu ne’ebe mak  hato’o ona ba prezidente repbulika.

Maria afirma, saudozu nu’udar sobreviventi 12 Novembru ne’ebe hakerek muzika hanoin asuwain sira ne’ebe introdus iha 2007 ne’ebe povu Timor-Leste utiliza to’o agora iha loron nasional sira

“Ita nia saudozu nu’udar sobreviventi 12 Novembru  1991  no mos partisipa  ativu iha manifestasaun oin-oin akontese iha tempu resistensia nian  hafoin ukun an, ita nia saudozu ne’e hakerek muzika nasional   hanoin asuwain sira  ne’ebe hahu introduz iha tinan 2007  no to’o agora, bainhira  selebra ita loron nasional sira ita nia saudozu nia muzika  hanoin asuwain sira iha “um minutu de silencio” sempre kanta”, tenik Maria

Entretantu, Saudozu Paulo Pereira dos Santos moris iha Lospalos, 05  Fulan Dezembru tinan 1970, oan husi aman Diego Pereira dos Santos no Aurora Nunes, saudozu Paulo fila hikas ona nai maromak nia kadunan santu iha loron 20 Fulan Outrobru 2022, Durante Saudozu sei moris fo nia kontribuisaun makaas tebes liu husi sai kompozitor muzika sira, Enkuantu, Saudozu nia isin mate hakoi iha nia rezidiensia lahane, Dili.

Jornalista : Ermelinda Soares

Editor        : Ekipa Editorial