Jogador Juvenil Norberto & Ario Sei Ba Treinu Iha Brazil
ImajenJogador Juvenil nain rua Norberto Olivio da Costa no Ario M. Ximenes husi sentru treinamentu juvenil munisipiu Baucau
SAPNewsTL, DILI- Jogador Norberto Olivio da Costa no Ario M. Ximenes husi sentru treinamentu juvenil munisipiu Baucau hetan oportunidade sei ba treinu iha Brazil ne’ebe sira aproveita diak hodi hamorin Timor-Leste nia naran iha rai liur.
“Ami sente orgullu tebes ba oportunidade ne’e tanba durante ami treinu iha loron manas hetan oportunidade ba treinu iha Brazil ne’eba, ami sei aproveita oportunidade ne’e ho diak no ami sei esforsu diak para hamorin Timor-Leste nia naran iha nasaun Brazil”, dehan jogador Norberto Olivio da Costa ba jornalista sira iha Estadium Munisipal Dili segunda (12/12)
Norberto rekomeda ba governu para nafatin tau matan ba jogador Juvenil sira seluk para bele hetan oportunidade hanesan
Iha sorin seluk Ario M. Ximenes hatete, nia sente orgullu tebes hetan oportunidade ba treinu iha Brazil ne’ebe sei esforsu hamorin Timor-Leste nia naran iha rai liur
“Ha’u sente orgullu tebes hetan oportunidade ba treinu iha Brazil, ha’u sei esforsu makaas hodi hamorin Timor-Leste nia naran iha rai liur no ami hahu sira treinu iha sentru juvenil Baucau durante tinan haat husi idade 12”, tenik Arini
Entretantu Jogador Norberto Olivio da Costa no Ario M. Ximenes hetan oportunidade ba treinu Brazil hafoin sira partisipa kompetisaun futebol juvenil U-16 iha tinan kotuk ne’ebe sira hatudu talentu no lori sentru treinamentu futebol juvenil munisipiu Baucau sai kampiaun iha tinan kotuk.
Reportajen: Augusto dos Santos