Índia Hakarak Estabelese Nia Embaixada Iha Timor Leste
SAPNewsTL,Dili : Vise Ministra Negosiu Estranjeiru Kooperasun (V-MNEK) saran lia hirak ne’e hafoin hasoru malu ho Presidente da Repúblika iha Palasiu Presidensial Aitarak-laran, durante hala’o enkontru ho Vise MNEK simu apresentasaun karta kredensial husi embaixador nasaun ne’en iha Indonésia
Tuir Vise MNEK Milena Rangel hateten enkontru ohin ko’alia kona ba oinsa atu bele reforsa liu tan kooperasaun bilateral ne’ebe forte teb tebes iha ASEAN
“Enkontru ohin ko’alia, oinsa reforsa liu tan ita nia kooperasaun bilateral no simu mos membru sira husi kooperasaun no país tolu ne’ebe iha kooperasun forte teb-tebes hamutuk ho ASEAN, ita bele konesa di’ak liu tan ita nia organizasaun no relijiaun seluk nian atu bele reforsa ita nia prosesu adezaun ba ASEAN”. Hateten Vise MNEK Milena Rangel iha Palasiu Presidensial Ai-Tarak laran, Quarta-feira,13/09/2023
Vise Ministra ne’e hatutan, Embaixador na’in neen ne’ebe rezidente iha Jakarta Indonesia akredita no possibilidade loke Embaixada iha Timor Leste
“Embaixador nain ne’en sira nia rezidensia iha Jakarta akredita mos mai Timor-Leste, bele iha posibilidade ba ida ne’e Presidente da Repúblika mos konvida karik sira iha intensaun ruma hodi loke embaixada iha Timor-Leste, ita sei prontu atu simu sira”. Nia subliña
Ministériu Negosiu Estranjeiru no Kooperasaun, Diplomata no mos ministeriu sira seluk aban bairua iha diskusaun bele estabelese kooperasaun bilateral iha area ne’ebe sei fo benefisiu komum ba países sira hodi estabelese kooperasaun bilateral iha futuru.
Alende ne’e, “ita mos akompanha no haree Primeiru Ministru Kayrala Xanana Gusmão partisipa iha simeira iha semana liu ba, iha mos Cimeira iha ASEAN hamutuk no Índia tanba halo parseiru dialogu ASEAN nian no iha ne’eba Primeiru Ministru India hateten katak Timor Leste sei sai hanesan país ida ne’ebe mak sira hakarak mai loke sira nia embaixada iha Tempu badak”. Milena Informa
Entertantu, Presidente da repúblika simu karta kredensial husi Países ne’en mak hanesan Baharain, Repúblika Fransa, Repúblika Irlandia, Arabia Saudita, Koonfederasaun Suiza no EUA, sira mai apresenta sira nia kredensial no mos hakarak atu servisu di’ak liu tan ho Timor-Leste
Jornalista: Aquelina Magalhães & Domingos Ferreira