Rekunhese Luta Bispu Belo, MUTL Husu PR Horta Komfirma Média Holandes
Imajen Komunikadu Imprensa Movimentu Universitariu de Timor Leste,iha kampus Sentral UNTL, 05/10/2022
SAPNewsTL, Dili : Relasiona ho notísia ne’ebe Jornalista Holandes publika iha loron 28 fulan setembru 2022 liu husi jornal groene amsterdammer semana kotuk katak deskonfia Amo Dom Carlos Filipe Ximenes Belo komete kazu abuzu sexual ho vitima insial P ho idade 14 no inisial R ho ldade 16 iha dekade sira resisténsia, Liu husi Komunikadu Imprensa Movimentu Universitáriu Timor Leste (MUTL) husu Presidente da Republika hodi halo komfirmasaun ba Media Holandes nune’e bele halo klarifikasaun no responde ba preokupasaun publiku nian durante ne’e
“Movimentu Universitáriu Timor Leste (MUTL) reafirma pozisaun neutru no hakarak separa mos sasan hot-hotu katak ami ejiste hakarak husu ba públiku liliu povu sarani katolika hodi akompainha prosesu sira ne’e hotu to’o hetan provas real”. Tenik Porta Voz Denis Saebako iha Kampus Sentral UNTL, Dili, 05/10/2022
Entretantu, MUTL Konsidera Akuzasaun husi vítima ho naran inisial P no R hasoru Dom Carlos Filipe Ximenes Belo ne’e falsu, maibe sira nia fiar ne’e sala, MUTL husu Amo Belo atu rekunese ba aktu hira ne’e
“MUTL konsiente no fiar katak akuzasaun husi vitima ho naran insial P ho R hasoru Amo Belo ne’e falsu maibe karik ami nia fiar ne’e sala, ami husu Amo Belo rekoinhese mos ba aktus hirak ne’e, MUTL husu mos karik sansaun disipinar husi vatikanu fo amo belo ne’ebe bandu halo movimentasaun, bandu hala’o aktividade igreja no bandu kontaktu ba Timor-Leste tamba sa públiku foin rona iha tinan rua ba kotuk ne’e”. nia hatete
MUTL mos husu ba Xefe Estadu Jose Ramos Horta atu husu klarifikasaun ba Média Holandes ne’ebe fo sai notísia ne’e ba mundu
“MUTL husu ba sua Exselénsia Prezidente Repúblika Jose Manuel Ramos Horta nu’udar simbolu do estadu atu husu klarifiksaun ba media holanda kona-ba verasidade husi notisia ne’e, tanba sarani katólika agora preokupasaun ho akuzasaun ida ne’e”. nia sublinha
Movimentu ne’e mos husu mos ba nunsiatura hanesan reprezentante Embaixador Vatikanu iha Timor Leste atu klarifika notisia ne’e nune’e labele fo dúvida ba sarani katólika, inklui sasin nain 20 husi vitima ho inisial P ho R ne’ebe publika iha Média Holanda ho segredu ne’e hatudu aan nune’e bele kombate kazu ne’e ho seriu.
Enkuantu, MUTL fo nia solidariedade no rekoinhese luta Amo Dom Carlos Filipe Ximenes Belo nian durante epoka resistensia invazor nian, maibe MUTL mos husu verdade ba frakeza hotu ne’ebe nu’udar humanu hasoru.
Jornalista : Ekipa Kobertura