To’o Iha Malázia, PR Horta Hasoru Malu Ho PM Ibrahim
A Chegada de Presidente Republica Jose Ramos Horta em Malazia, 11/12/2022
SAPNewsTL, Malazia : Prezidente Repúblika hamutuk ho delegasaun, Domingo kalan to’o ona Malázia ba vizita traballu durante loron ida iha Kuala Lumpur.
Tuir ajenda, Xefe Estadu sei hasoru malu ho Liurai no Primeiru-Ministru Malazia iha Segunda-Feira ohin, Malázia, 12 Dezembru 2022.
To’o iha Aeroportu Internasionál Malázia iha oras tuku 19:00 resin, Xefe Estadu ho komitiva simu direta husi Ministru Negósiu Estranzeiru Malázia, Zambry Abdul Kadir ho parade militár.
Delegasaun ne’ebé akompaña Xefe Estadu iha Malázia, hamutuk ema na’in 10 inklui Ministra Negósiu estranjeiru no Kooperasaun, Adalzija Magno no Ministru Koordenadór Assuntu Ekonómiku.
Vizita traballu ne’e akontese, tanba solisita direta husi Primeiru-Ministru Malázia, Anwar Ibrahim no Liurai Bo’ot, Abdullah de Pahang iha loron 10 fulan Dezembru 2022, waihira halo hela vizita estadu iha Singapura.
A Chegada de Presidente Republica Jose Ramos Horta em Malazia
Molok vizita Malázia, Xefe Estadu infoma ona ajenda ne’e bá Prezidente Parlamentu no Primeiru Ministru, Taur Matan Ruak.
Entertantu, Tuir Planu Xefe Estadu Horta sei fila ba Timor-Leste iha Segunda ne’e hodi tranzita liu husi Bali (Indonézia) no to’o hikas iha Díli, iha loron 13 Dezembru 2022.
Jornalista : Vinsensius saldanha Morais